Առաջին խմբի առաջնություն. «Լոռին» և «Արցախը» հաղթել են, «Էրեբունին» այլևս հետնապահ չէ (այլ արդյունքներ)
Հոկտեմբերի 16-ին կայացել են Հայաստանի Առաջին խմբի առաջնության 8-րդ տուրի հանդիպումները:
8-րդ տուրի հանդիպումներից հետո առաջատարներ «Լոռիի» և «Արցախի» միջև միավորների տարբերությունը դարձյալ նվազագույնն է:
«Լոռին» Երևանում մրցել է «Ալաշկերտ-2»-ի հետ և 3:1 հաշվով հաղթանակ է տարել:
Վանաձորը ներկայացնող թիմի կազմում դուբլ է ձևակերպել Տինգան, ևս մեկ գոլ էլ իր ակտիվում գրանցել է Դավիթ Ասլանյանը: «Ալաշկերտ-2»-ի կազմում մեկ գնդակ ետ է բերել Ահմեդ Ջինջոյանը:
Այս հաղթանակից հետո «Լոռին» 20 միավորով է գլխավորում Առաջին խմբի մրցաշարային աղյուսակը, իսկ «Ալաշկերտ-2»-ը 8 միավորով շարունակում է զբաղեցնել 8-րդ հորիզոնականը:
Տուրի մյուս խաղում «Արցախը» ԿԱ ՊԵԿ (նախկին «Միկա») մարզադաշտում 3 անպատասխան գնդակ է ուղարկել «Շիրակ-2»-ի դարպասը: Երևանյան թիմի կազմում գոլեր են հեղինակել Կարեն Հարությունյանը, Գոռ Մկրտումյանը և Գրիգոր Աղեկյանը:
Այս հաղթանակի շնորհիվ «Արցախն» իր միավորների թիվը հասցրել է 19-ի և գտնվում է 2-րդ տեղում ,իսկ «Շիրակ-2»-ը 5 միավորով նահանջել է մրցաշարային աղյուսակի վերջին հորիզոնականը:
Տուրի մյուս խաղում մրցել են հավասար միավորներ ունեցող «Բանանց-2»-ն ու «Ավան Ակադեմիան»: Ավանի ակադեմիայի մարզադաշտում կայացած խաղում Վահե Գևորգյանի սաները 2:0 հաշվով հաղթանակ են տարել տանտերերի նկատմամբ:
«Բանանց-2»-ի կազմում գոլի հեղինակ են դարձել Էմիլ Եղիազարյանն ու Աբրահամ Պորտուգալյանը:
Այս հաղթանակի շնորհիվ «Բանանց-2»-ն իր միավորների թիվը հասցրել 14-ի և ամրապնդվել է մրցաշարային աղյուսակի երրորդ հորիզոնականում, իսկ «Ավան Ակադեմիան» 11 միավորով նահանջել է 5-րդ հորիզոնական:
Հետաքրքիր զարգացումներ են գրանցվել «Փյունիկ-2»-«Էրեբունի» խաղում: Առաջնության հետնապահ «Էրեբունին» ընթացիկ մրցաշրջանում կարողացել է տոնել իր երկրորդ հաղթանակը` հյուրընկալվելիս 3:2 հաշվով առավելության հասնելով «Փյունիկ-2»-ի նկատմամբ:
Տանտերերի կազմում գոլի հեղինակ են դարձել Սամվել Խաչիկյանն ու Հովհաննես Նազարյանը:
Այս հաղթանակի շնորհիվ «Էրեբունին» վաստակել է 6 միավոր և լքել մրցաշարային աղյուսակի վերջին հորիզոնականը: Իսկ «Փյունիկ-2»-ը 9 միավորվ 6-րդ տեղում է:
Վերջին խաղում «Արարատ-2»-ը Կապանում ջախջաիչ հաղթանակ է տարել «Գանձասար-Կապան-2»-ի նկատմամբ: Երևանյան թիմը 5 անպատասխան գնդակ է ուղարկել մրցակցի դարպասը:
Այս հաղթանակի շնորհիվ «Արարատ-2»-ը վաստակել է 12 միավոր և բարձրացել մրցաշարային աղյուսակի 4-րդ հորիզոնականը, իսկ կապանյան թիմը 9 միավորով 7-րդ տեղում է:
Մրցաշարային աղյուսակ.
| N | Թիմեր | Խ | Հ | Ո | Պ | ԽԳ | ԲԳ | Մ |
|---|---|---|---|---|---|---|---|---|
| 1. |  Լոռի. |
8 | 6 | 2 | 0 | 21 | 6 | 20 |
| 2. | ՖԿ Արցախ |
8 | 6 | 1 | 1 | 12 | 3 | 19 |
| 3. | Բանանց-2 |
8 | 4 | 2 | 2 | 11 | 4 | 14 |
| 4. | Արարատ-2 |
8 | 3 | 3 | 2 | 15 | 7 | 12 |
| 5. | Ավան Ակադեմիա |
8 | 3 | 2 | 3 | 13 | 14 | 11 |
| 6. | Փյունիկ-2 |
8 | 3 | 0 | 5 | 11 | 16 | 9 |
| 7. | Գանձասար-Կապան-2 |
8 | 3 | 0 | 5 | 13 | 19 | 9 |
| 8. | Ալաշկերտ-2 |
8 | 2 | 2 | 4 | 14 | 18 | 8 |
| 9. |  Էրեբունի |
8 | 2 | 0 | 6 | 8 | 21 | 6 |
| 10. | Շիրակ-2 |
8 | 1 | 2 | 5 | 3 | 13 | 5 |