World News in Chechen

ТаӀзарш кхочушдаран Федералан урхалло дуьхьало йина Нохчийчохь гIаттамхошца дакъалаьцна ву аьлла, таIзар дина Джантемиров Докка нохчийн набахте дехьаваккха. Оьрсийчоьнан оппозицин политик Немцов Борис верна бехкевинчу Бахаев Хьамзатан аьтто белира цӀенна гергарчу колоне ша дехьаваккхийта. Оцу кепара къестамаш бар стенца доьзна хила йиш йу-те аьлла, и хаттар дийцаредира тхан редакцино эксперташца. Оьрсийчохь Джантемиров Доккина велла дIаваллалц набахтехь йаккха шозза хан кхайкхийра, республика йозуш йоцуш хила луучийн агIонча а хилла... Читать дальше...

Шен могушаллех лаьцна гонаха хезочу къамелийн йуха а тергойина Кадыров Рамзана, цо дIахьедина, шена Дала дуьненчохь йаккха йеллачу хенал а тIехвер вац ша аьлла. ХIора стаг а ву лийр волуш бохура цо. Цо дарж дита тарло, цуьнан могушалла кхин тIе а эшна йогIу бохуш, кеп-кепара хабарш хезош, социалан машанашкахь кIоргера чулацам болу посташ хIитточу йукъанна, эксперташа дийцаредо, Нохчийчоьнан урхалхочун дIахьедаршна бухахь хIун ду-те бохуш. Стигалкъекъа-беттан 26-чу дийнахь Кадыровн социалан машанашкахь... Читать дальше...

Оьрсийчохь йуха а пикеташ дIайаьхьна Седа Сулейманова лачкъор Iедална талла тIедожош. Царех цхьаъ зазадоккху-беттан 20-чохь Соьлжа-гIалахь хIоттийра. Седин доттагIчо Патяева Ленас. Пикете йалале Патяевас видео дIайазйира шен Нохчийчу йаха Iалашонах дуьйцуш.

Нохчийчоьнан куьйгалхочун кIантана, 17 шо долчу Кадыров Адамна рогIера совгIат дина - «Ахмат-Грозный» ОМОН-н декъан некха тIехь лело билгало йу иза. Кхиазхочунна мидалш а, орденаш а, сийлахь цIераш а, даржаш дала буьйлабелира, лецна латточу Журавель Никитина цо йиттинчул тIаьхьа.

Нохчийчоьнан Ӏедалша “кхайкхам бина” республикехь дIакъевлина телеграм схьайаста аьлла. Оцу кхайкхамца вистхилира регионера къоман политикан а, зорбанан а, информацин а министр Дудаев Ахьмад.

Виъ стаг вийна Дагестанехь ницкъахоша, уьш теракт йан кечлуш хилла боху. Официалерчу хаамашца, белларш ДАIИШАН агIончаш хилла, бахарехь Каспийск гIаларчу чоьхьарчу гIуллакхийн министраллин урхаллина тIелатар кечдеш хилла цара.

Австралино а, Керла Зеландис а санкцеш кхайкхийна Нохчийчоьнан куьйгалхочун ненан Кадырова Айманин хьокъехь. Бахьана хилла, формалехь Айманис куьйгалла ден Кадыров Ахьмадан цIарах фонд – Соьлжа-ГIалахь чIагIдарца, цо тIеман хьашташна миллиардашкахь ахча латтийна.

1944-чу шеран чиллан-беттан 23-чу дийнахь йолийра "Чечевица" операци - бIенашкахь эзарнаш нохчий а, гIалгIай а Йуккъерчу Ази новкъабехира. Масех дийнахь цхьана Казахстане хьажийнарг вара 400 эзар стаг. Цхьана декъана 1977-чу шарахь реабилитаци йинчул тIаьхьа шайн дай баьхначу махка йухабирзира дIакхалхийна хиллачех дукхахберш, цхьаболу "спецпереселенцаш" олуш хилларш Казахстанехь бисира. Махкахь баьхна, хийрачу лаьтта тIехь кхойтта шо даьккхинчийн тIаьхьено дийцира тхан редакцига, шайн дахарх а, хиллачун иэс шаьш муха лардеш ду а. Читать дальше...

«Ахмат» спецназан батальонан хилла командир Батукаев Зеламха кхелхина. Ши бахьана ду цуьнан валарх лаьцна дуьйцуш – хье чу цIий иккхина хилла боху цхьаболчара, вукхара чIагIдо, хIан-хIан, наркотикаш бале йевлла хилла цунна бохуш.

Нохчий а, гIалгIай а Сталина махках баьхна рогIера шо кхочуш Нохчийчуьра премьер-министро Даудов Мохьмада кхайкхамбира Дагестанан Iедалхошка Iовхойн кIошт йухаметта хIоттайе аьлла. Дуьйцург ду лакцашна а, суьйлишна а, нохашна-Iовхошна а йукъара къовсаме даьлла доза.