Анонс перадачы „З Падляшша родам”

Гераіня чарговай перадачы –  Ганна Кандрацюк з навейшай кнігай «У прысценку старога леса». 

Artykuł Анонс перадачы „З Падляшша родам” pochodzi z serwisu БЕЛАРУСКАЕ РАДЫЁ РАЦЫЯ.

Гераіняй чарговай перадачы Валі Лаеўскай  ў серыі „З Падляшша родам” будзе Ганна Кандрацюк і ейная навейшая кніга «У прысценку старога леса». На фестывалі інтэлектуальнай кнігі  „Прадмова”  ў Беластоку  кніга Ганны ўганараваная прэміяй Алеся Адамовіча. Як чытаем у анатацыі журы ад беларускага ПЭН-цэнтра,  „за актуалізацыю традыцый еўрапейскага рэпартажу”.

Ганна Кандрацюк – аўтарка 7 кніжак, хаця ў маленстве не думала пра тое, каб стаць пісьменніцай:

–  Малая Ганна хацела ў дзяцінстве быць падарожніцай. Мне нават снілася, што я пабываю недзе ў Індыі. І нават прыдумала такі апарат, як сёння гугл-перакладчык, больш не ведала іншай мовы, ні сваёй, кудлоўскай. Гаварыла ў мікрафон па-свойму, ціснула ў мікрафоне на нейкую кнопку і перадавала яго асобе, з якой гаварыла. Вельмі хацела быць падарожніцай, і з малых гадоў шмат чытала. 

Больш пра Ганну Кандрацюк і ейную навейшую кнігу „У прысценку старога лесу” – гісторыі людзей з Белавежскай пушчы –  слухайце ў бліжэйшую нядзелю 5 лістапада ў 12 05 і ў 20 05, паўтор перадачы ў суботу 11 лістапада ў 17 05.

Валянціна Лаеўская, Беларускае Радыё Рацыя

Artykuł Анонс перадачы „З Падляшша родам” pochodzi z serwisu БЕЛАРУСКАЕ РАДЫЁ РАЦЫЯ.