На Берасцейшчыне ўжо 550 „экстрэмістаў”
550 – столькі чалавек з Берасцейшчыны па стане на сёння, 19 жніўня, прызнаныя „экстрэмістамі”. Толькі за апошні тыдзень да спісу былі дададзеныя 2 асобы.
– Міністэрства ўнутраных спраў Рэспублікі Беларусь ужо па традыцыі напрыканцы тыдня папоўніла спіс асобаў, што нібы маюць дачыненне да экстрэмісцкай дзейнасці. Да пераліку быў дадзены 71-гадовы жыхар Баранавічаў Генадзь Палянін і 50-гадовы жыхар Пінска Ігар Дзенісюк.
У адносінах да Генадзя Паляніна днямі адбыўся суд. Яго абвінавацілі ў частцы 1 артыкула 368 крымінальнага кодэкса Рэспублікі Беларусь або абраза прэзідэнта. Ён размясціў у адным з чатаў паведамленне, што па версіі следства зневажае гонар і годнасць асобы прэзідэнта ў непрыстойнай форме. Прызначанае пакаранне ў форме двух гадоў абмежавання волі без накіравання або хатняя хімія.
У сваю чаргу Ігар Дзенісюк быў асуджаны па тым жа артыкуле або публічная абраза Аляксандра Лукашэнкі. Дакладны прысуд праваабаронцам невядомы.
Аліса Поль, Беларускае Радыё Рацыя
Artykuł На Берасцейшчыне ўжо 550 „экстрэмістаў” pochodzi z serwisu БЕЛАРУСКАЕ РАДЫЁ РАЦЫЯ.