Таямніцы лідскіх археалагічных раскопак
У Лідзе, пачынаючы з 10 ліпеня, вядуцца самыя сапраўдныя археалагічныя раскопкі.
Artykuł Таямніцы лідскіх археалагічных раскопак pochodzi z serwisu БЕЛАРУСКАЕ РАДЫЁ РАЦЫЯ.
Некалькі дзён для жыхароў шматкватэрных дамоў каля сквера за Лідскай дзіцячай школай мастацтваў заставалася загадкай, навошта людзі з рыдлёўкамі і іншымі прыладамі акуратна здымаюць пласты грунту, літаральна рукамі вымаюць зямлю з ямаў, засыпаюць яе ў мяшкі і выносяць за межы невялікага катлавана. Прызнацца, у гэтым выпадку не на пустым месцы нараджаліся неверагодныя здагадкі, якія пагражалі перарасці ў мясцовыя небыліцы. Аказваецца, у Лідзе, пачынаючы з 10 ліпеня, вядуцца самыя сапраўдныя археалагічныя раскопкі. І вынік ужо ёсць.
– Раскопкі праводзяцца на плошчы больш за 50 квадратных метраў. Іх мэта – прасачыць гарадскую забудову і выявіць артэфакты розных гістарычных перыядаў, у тым ліку і перыяду Вялікай Айчыннай вайны, – распавёў дырэктар Цэнтральнай навуковай бібліятэкі НАН Беларусі Станіслаў Юрэцкі.
Групе энтузіястаў з ліку археолагаў і навуковых супрацоўнікаў Лідскага гістарычна-мастацкага музея ўжо ўдалося зафіксаваць досыць вялікі фрагмент будынка (хутчэй за ўсё, жылога дома). Гэта артэфакты XIX – пачатку XX стагоддзя.
– Мы толькі пачалі працаваць, знялі два пласта зямлі і ўпэўнены, што цікавейшыя знаходкі ў нас наперадзе, – заўважыў Станіслаў Юрэцкі…
Больш падрабязна чытачы даведаюцца з новага выпуску электроннага выдання “Нашага слова.pdf”.
“Наша слова” паведамляе таксама пра тое, што ў “Слуцку – усё па-людску”. Выданне піша: “Прадукцыя Слуцкага воцатнага завода афармляецца з улікам усіх правілаў афармлення прадукцыі прадпрыемства суверэннай краіны. Усе надпісы вялікімі літарамі зроблены па-беларуску, на першай дзяржаўнай мове. Тэхналагічная інфармацыя дробненькім шрыфтам пададзена па-беларуску і па-расейску. Так павінна быць на ўсёй прадукцыі, якая выпускаецца ў Беларусі”.
З цікавасцю чытачы прачытаюць у “Нашым слове” матэрыял пра тых выпускнікоў школ Беларусі, якія на ЦТ набралі па 400 балаў, а таксама іншыя публікацыі.
Беларускае Радыё Рацыя
Artykuł Таямніцы лідскіх археалагічных раскопак pochodzi z serwisu БЕЛАРУСКАЕ РАДЫЁ РАЦЫЯ.