Мінабароны Беларусі купляе расейскія дроны „Суперкам” на 1 мільён даляраў
Міністэрства абароны Беларусі плануе купіць расейскія тактычныя беспілотныя авіякомплексы. Тэндар на 3,1 мільёна рублёў (больш за 1 мільён даляраў) знайшлі на партале дзяржзакупак журналісты Беларускага расследвальніцкага цэнтра.
Гаворка ідзе пра два комплексы „Суперкам С350” (ці іх аналагі) і пра адзін комплекс „Суперкам С150” (ці аналаг). У камплект уваходзяць сам беспілотнік, кіраваныя відэакамеры, батарэі, сродкі дыстанцыйнага кіравання, планшэт ды іншыя прылады.
Ад пачатку шырокамаштабнай расейскай вайны ва Украіне гэта ўжо трэці такі тэндар беларускага абароннага ведамства.
Беларускае Радыё Рацыя
Artykuł Мінабароны Беларусі купляе расейскія дроны „Суперкам” на 1 мільён даляраў pochodzi z serwisu БЕЛАРУСКАЕ РАДЫЁ РАЦЫЯ.