Дзіцячыя народныя песні ў выкананні Таццяны Грыневіч
Беларуская спявачка і музыкант Таццяна Грыневіч, якая пасля 2020 года знаходзіцца ў эміграцыі, не пакідае працаваць над беларускімі песнямі. Цяпер яна запісвае і выконвае дзіцячыя народныя песні.
Дарэчы, у 2010 годзе выйшаў яе дыск «Дзіцячы альбом. Частка першая», на якім былі прадстаўленыя 27 беларускіх народных песень для дзяцей у арыгінальных апрацоўках. Асноўнымі выканаўцамі дзіцячых песень сталі самі дзеці: Тамаш Сідаровіч і Адась Матафонаў. Дыск вельмі хутка зрабіўся папулярным сярод беларускіх бацькоў, выхавальнікаў дзіцячых садкоў і кіраўнікоў мастацкіх калектываў.
Другая частка «Дзіцячага альбому» складаецца як з фальклорных песень, гэтак і з аўтарскіх — словы і музыку да якіх напісаў Зміцер Сідаровіч. Таксама пашыраецца тэматыка: апроч традыцыйных для дзіцячага рэпэртуару твораў, персанажамі якіх з’яўляюцца жывёлы і птушкі, у другой частцы «Дзіцячага альбому» можна пачуць песні на школьную тэму, а яшчэ — жартоўныя музычныя творы, якія дапамагаюць (паводле прынцыпу папулярнае калісьці радыёперадачы «Радыё-нянька») рабіць правільны выбар і выхоўваць добрыя паводзіны ў самых маленькіх слухачоў. Склад выканаўцаў таксама істотна пашырыўся. Спевакам-дзеткам дапамагала тады цэлая каманда дарослых музыкаў, дзякуючы якім многія песні пачалі гучаць як сапраўдныя міні-спектаклі.
Прапануем некалькі новых дзіцячых народных песень у выкананні Таццяны Грыневіч, а таксама іншых юных і дарослых выканаўцаў.
Беларускае Радыё Рацыя
Artykuł Дзіцячыя народныя песні ў выкананні Таццяны Грыневіч pochodzi z serwisu БЕЛАРУСКАЕ РАДЫЁ РАЦЫЯ.