Аляксандр Фрыдман: Гэтая піяр-акцыя скончылася для Лукашэнкі досыць дрэнна
Госць Рацыі – палітычны аналітык і гісторык Аляксандр Фрыдман разважае пра здароўе Лукашэнкі.
Artykuł Аляксандр Фрыдман: Гэтая піяр-акцыя скончылася для Лукашэнкі досыць дрэнна pochodzi z serwisu БЕЛАРУСКАЕ РАДЫЁ РАЦЫЯ.
Госць Рацыі – палітычны аналітык і гісторык Аляксандр Фрыдман.
РР: Пул Першага нарэшце паказаў Аляксандра Лукашэнку. Многія аглядальнікі ўвогуле пішуць, што гэты крок Адміністрацыі Аляксандра Лукашэнкі акурат больш насмяшыў. У сацыяльных сетках з’явілася шмат мемаў. Бо на гэтых здымках і відэа Аляксандр Лукашэнка выглядаў вельмі загрыміраваным. Ці варта было яго паказываць у такім выглядзе?
Аляксандр Фрыдман: Мне падаецца, што рашэнне пра тое, ці паказвацца на публіцы, ці не, з’яўляцца ў публічнай прасторы, ці не з’яўляцца, яшчэ пачакаць, гэта не рашэнне Адміністрацыі Лукашэнкі, альбо не рашэнне яго прэс-службы, гэта, як мне падаецца, рашэнне самога Лукашэнкі. Мы ж ведаем, як працуе сістэма ўлады ў Беларусі, што калі Лукашэнка нешта робіць, так гэта робіць менавіта ён. А тым больш, калі справа тычыцца вось такіх пытанняў, як стан здароўя, у якім выглядзе ён з’явіцца, як гэта будзе ўспрымацца. Так што я думаю, прэс-служба выконвала абсалютна тэхнічныя функцыі. Лукашэнка напэўна вырашыў, што ідуць гэтыя чуткі, прычым яны ўжо з’яўляюцца не толькі ў тэлеграм-каналах, гэта ўжо паведамляе заходняя прэса, пра гэта выказваецца расейская прэса, нават прэс-сакратар Пуціна Пяскоў. Я думаю, што Лукашэнку ўся гэтая гісторыя была непрыемнай, ён вырашаў, што надыйшоў час хаця б у нейкім стане з’явіцца, паказацца, напэўна каб даслаць мэсыдж, што ён жывы. І калі мы будзем глядзець праз гэтую прызму, то там ёсць дзве гісторыі: першая, ён тым самым абверг чуткі пра тое, што ён ужо фізічна не існуе, ён паказаў, што ён жывы; ну а другая, як яны ўжо абышліся з гэтай інфармацыяй, здымкамі і відэа, якія яны паставілі, я думаю, што яны паказалі тыя, якія палічылі найлепшымі сярод усяго, што мелі. Чуткі пра тое, што Лукашэнка пачувае сябе дрэнна, што ў яго сур’ёзныя праблемы са здароўем, гэтыя чуткі відэа і фота не толькі не абверглі, але яшчэ і ўмацавалі. Таму для Лукашэнкі гэтая піяр-акцыя скончылася досыць дрэнна.
Цалкам размова:
Размаўляў Улад Грынеўскі, Беларускае Радыё Рацыя.
Artykuł Аляксандр Фрыдман: Гэтая піяр-акцыя скончылася для Лукашэнкі досыць дрэнна pochodzi z serwisu БЕЛАРУСКАЕ РАДЫЁ РАЦЫЯ.