Чым жыве беларуская дыяспара Грузіі?
Пра гэта распавёў наш уласны карэспандэнт - Сяргей Апановіч.
Artykuł Чым жыве беларуская дыяспара Грузіі? pochodzi z serwisu БЕЛАРУСКАЕ РАДЫЁ РАЦЫЯ.
Як і чым жыве беларуская дыяспара Грузіі? Пра гэта спыталі ў нашага ўласнага карэспандэнта – Сяргея Апановіча.
РР: Ці адзначалі беларусы Грузіі 160-я ўгодкі паўстання Кастуся Каліноўскага?
Сяргей Апановіч: Так, адзначалі і працягваюць адзначаць. Гэтыя мерапрыемствы працягнуцца да 2-га лютага – да дня народзінаў Каліноўскага. 22 студзеня, калі ў многіх краінах адзначаліся 160-я ўгодкі паўстання, у Батумі прайшла акцыя, якая адбылася адначасова з акцыяй украінцаў, якія адзначалі Дзень Саборнасці Украіны. Паўсотні беларусаў выйшлі з вялікім транспарантам, на якім быў партрэт Каліноўскага і словы: “Толькi тады зажывеш свабодна, калi над табой маскаля не будзе!” на трох мовах.
РР: Ці неяк змяняюцца стасункі: беларусы – украінцы, беларусы – расейцы, беларусы – грузіны? Ці хапае паразумення?
Сяргей Апановіч: Згаданы вышэй транспарант быў на трох мовах: па-ангельску, па-беларуску і па-грузінску. І ў нас ніякіх канфліктаў паміж беларусамі і ўкраінцамі няма. І ніхто не кажа нават пра ўчарашні выступ Зяленскага, які не ўзгадаў беларусаў. Бо мы ўсе супраць вайны. Тут вельмі шмат украінцаў, якія кажуць, што Зяленскі адно гаворыць, а мы ж з вамі разам жывем. І мы ўкраінцам распавялі пра паўстанне Каліноўскага. Пра яго многія нават не ведалі.
РР: Ці зменшыўся паток беларусаў у Грузію?
Сяргей Апановіч: Беларусы едуць у Грузію, але не ў той колькасці, сапраўды, як гэта было раней. Таму што многія беларусы змаглі атрымаць візы і едуць у асноўным у Польшчу і Літву. Колькасць паменшылася ў разы.
Цалкам гутарка ў далучаным гукавым файле:
Беларускае Радыё Рацыя
Artykuł Чым жыве беларуская дыяспара Грузіі? pochodzi z serwisu БЕЛАРУСКАЕ РАДЫЁ РАЦЫЯ.