Кавалеўскі сустрэўся з кіраўніком аддзела па справах Беларусі пасольства ЗША ў Літве
Амерыканскаму боку была прадстаўленая падрабязная інфармацыя пра канцэпцыю і мэты Аб’яднанага Пераходнага Кабінета, а таксама задачы яго чальцоў.
Artykuł Кавалеўскі сустрэўся з кіраўніком аддзела па справах Беларусі пасольства ЗША ў Літве pochodzi z serwisu БЕЛАРУСКАЕ РАДЫЁ РАЦЫЯ.
У Вільні адбылася сустрэча прадстаўніка Аб’яднанага Пераходнага Кабінета па міжнародных адносінах Валера Кавалеўскага з Пітарам Каўфманам, новапрызначаным кіраўніком аддзела па справах Беларусі ў амбасадзе ЗША ў Літве, паведамляе прэс-служба Святланы Ціханоўскай.
Гэтая размова стала першай афіцыйнай сустрэчай Кавалеўскага ў новай якасці.
Абмеркаваныя тэмы актывізаванага палітычнага працэсу сярод дэмакратычных сілаў Беларусі, у прыватнасці, вынікі Канферэнцыі «Новая Беларусь», якая праходзіла 8-9 жніўня ў Вільні, і галоўнае рашэнне дэмакратычных сілаў аб стварэнні Аб’яднанага Пераходнага Кабінета. Амерыканскаму боку была прадстаўленая падрабязная інфармацыя пра канцэпцыю і мэты Кабінета, таксама задачы яго чальцоў.
Была закранутая ўнутрыпалітычная сітуацыя ў Беларусі, рызыкі для незалежнасці і суверэнітэту Рэспублікі Беларусь ад удзелу рэжыма ў расейскай агрэсіі супраць Украіны і пазіцыя міжнароднай супольнасці па гэтай праблеме.
Пацверджаная гатоўнасць да супрацоўніцтва па падтрымцы імкнення беларусаў да дэмакратычных зменаў.
Artykuł Кавалеўскі сустрэўся з кіраўніком аддзела па справах Беларусі пасольства ЗША ў Літве pochodzi z serwisu БЕЛАРУСКАЕ РАДЫЁ РАЦЫЯ.