Новак Джокавіч можа прыняць удзел у „US Open”
Вакцынацыя ад каронавіруса з'яўляецца абавязковай умовай для ўезду ў ЗША, аднак 12 жніўня ў краіне аслабілі некаторыя рэкамендацыі.
Artykuł Новак Джокавіч можа прыняць удзел у „US Open” pochodzi z serwisu БЕЛАРУСКАЕ РАДЫЁ РАЦЫЯ.
Сербскі тэнісіст Новак Джокавіч можа згуляць на „US Open”. На дадзены момант вакцынацыя ад каронавіруса з’яўляецца абавязковай умовай для ўезду ў ЗША, аднак 12 жніўня ў краіне аслабілі некаторыя рэкамендацыі, якія тычацца сацыяльнага дыстанцыявання і каранціну. Па дзеючых на дадзены момант правілах, Джокавіч не можа ўехаць у ЗША, бо не прышчэплены ад каронавіруса. З-за гэтага ён зняўся з турніру ў Цынцынаці.
Матч лідараў першай лігі „Шахцёра” і „Нафтана” завяршыўся выніковай нічыёй
У чарговым туры першай лігі два лідары петрыкаўскі „Шахцёр” і наваполацкі „Нафтан” згулялі ўнічыю — 2:2. Такім чынам, у каманд стала па 28 ачкоў, на трэцім месцы Смаргонь, якая адстае на тры.
Аляксандр Хацкевіч выступіць на Кубку Івуліна ў камандзе БФСС
Найлепшы футбаліст Беларусі 1998 і 2000 гадоў, гулец, а пасля трэнер кіеўскага «Дынама», былы галоўны трэнер нацыянальнай зборнай Беларусі Аляксандр Хацкевіч выступіць за каманду BSSF на Кубку Івуліна. Раней у каманду БФСС ужо ўвайшлі Ілля Шкурын, Дзяніс Парэчын, Зміцер Байдук, Сяргей Міхайлаў і Сцяпан Папоў, – гаворыцца ў паведамленні. Хацкевіч з’яўляецца падпісантам Антывеннай дэкларацыі і выступае за санкцыі супраць беларускіх і расейскіх спартоўцаў. Кубак Івуліна распачнецца 14 жніўня а 10.00 у Варшаве.
„Барса” хоча купіць Сілву і Алонса на наступным тыдні
«Барселона» плануе здзейсніць яшчэ два трансферы на наступным тыдні. Пасля паспяховай рэгістрацыі ўсіх пачаткоўцаў (акрамя абаронцы Жуля Кундэ) каталонцы накіруюць намаганні на падпісанне двух апошніх трансферных мэтаў – хаўбека «Манчэстэр Сіці» Бернарду Сілвы і абаронцы «Чэлсі» Маркаса Алонса. Алонса зараз бліжэй да пераходу ў «Барсу». „Чэлсі” разглядае варыянт з продажам іспанца за 8 млн еўра. За партугальца Бернарду Сілву сіне-гранатавыя заплацяць за каля 65 млн еўра, паведамляе Diario Sport. З самім футбалістам узгоднены кантракт на 4 гады.
Беларускае Радыё Рацыя
Artykuł Новак Джокавіч можа прыняць удзел у „US Open” pochodzi z serwisu БЕЛАРУСКАЕ РАДЫЁ РАЦЫЯ.