МЗС Літвы выказаў пратэст у сувязі з закрыццём у Беларусі літоўскай школы
МЗС Літвы выказаў пратэст у сувязі з закрыццём у Беларусі адной з дзвюх літоўскіх школ, піша Delfi. Афіцыйная нота, у якой выяўляецца „пратэст супраць дзеянняў уладаў Беларусі, накіраваных на закрыццё літоўскай сярэдняй школы ў Пялесе, якая ўтрымліваецца Літоўскай дзяржавай”, накіравана ў амбасаду Беларусі ў Вільні. „Гэтыя дзеянні з’яўляюцца працягам мэтанакіраванай дзейнасці ўладаў Беларусі па ліквідацыі літоўскай адукацыі ў Беларусі і парушаюць двухбаковыя пагадненні паміж Літвой і Беларуссю, а таксама міжнародныя канвенцыі, якія ўстанаўліваюць права прадстаўнікоў нацыянальных меншасцяў на навучанне на роднай мове”, — гаворыцца ў заяве літоўскага МЗС.
Найстарэйшая ў Беларусі літоўская школа ў Пялесе закрытая нібыта „з-за парушэнняў пажарнай бяспекі” да выпраўлення гэтых парушэнняў. Раней улады Беларусі паведамілі, што з 1 верасня прыбіраюць навучанне на літоўскай мове ў літоўскіх школах, размешчаных у вёсках Рымдзюны і Пялеса. Сярэдняя школа ў Пялесе (Гарадзенская вобласць), якая дзейнічае з 1992 года, пабудавана на сродкі Літвы і поўнасцю ўтрымліваецца ёю.
Artykuł МЗС Літвы выказаў пратэст у сувязі з закрыццём у Беларусі літоўскай школы pochodzi z serwisu БЕЛАРУСКАЕ РАДЫЁ РАЦЫЯ.