Памёр легендарны савецкі акцёр Леанід Кураўлёў
![Памёр легендарны савецкі акцёр Леанід Кураўлёў](https://www.racyja.com/wp-content/uploads/2022/01/Леанід-Кураўлёў.jpg)
Ён будзе пахаваны ў Маскве на Траекураўскіх могілках.
На 86 годзе жыцця памёр знакаміты савецкі акцёр Леанід Кураўлёў. Аб гэтым паведаміла выданне Daily Storm.
![](https://www.racyja.com/wp-content/uploads/2022/01/%D0%9B%D0%B5%D0%B0%D0%BD%D1%96%D0%B4-%D0%9A%D1%83%D1%80%D0%B0%D1%9E%D0%BB%D1%91%D1%9E.jpg)
Абставіны смерці ўдакладняюцца. Раней газета „Камсамольская праўда” паведамляла, што ў студзені яго шпіталізавалі ў цяжкім стане ў адну з маскоўскіх клінік. У акцёра былі паніжаныя ціск і тэмпература. Леаніда Кураўлёва падключылі да кіслароду. Ён знаходзіўся пад кругласутачным наглядам медыкаў
Кураўлёва правяралі на каронавірус, тэсты далі адмоўны вынік. У апошні час акцёр пакутаваў ад гіпертаніі: часта кружылася галава, страціў прытомнасць.
Леанід Кураўлёў быў зоркай савецкага кінематографа. Ён здымаўся амаль у 250 фільмах. У 2012 годзе пасля смерці жонкі Леанід Вячаслававіч стаў весці пустэльніцкі лад жыцця.
Леанід Кураўлёў будзе пахаваны ў Маскве на Траекураўскіх могілках. Дата пахавання і развітання не вызначана, піша «Рэха Масквы».