Беларусы Шчэціна заклікалі не купляць „крывавую” прадукцыю “Санта Брэмар”

Беларусы Шчэціна правялі акцыю каля гандлёвага цэнтра. Удзельнікі акцыі раздавалі ўлёткі і заклікалі да байкоту прадукцыі „Санта Брэмар”, кіраўнік якой падтрымлівае лукашэнкаўскі рэжым.

– Рэжым Лукашэнкі ўзмацняе рэпрэсіі. Больш за год ідуць пасадкі людзей у турмы, катаванні, збіццё людзей. У вязніцах людзей катуюць, яны церпяць вельмі вялікія здзекі, людзі губляюць моцна здароўе. І мы патрабем, каб санкцыі мацней і мацней былі для дыктатара з усіх бакоў. У тым ліку і на Машэнскага, кампанія якога “Санта Брэмар” прадстаўленая ў “Ашане”, каб людзі не маглі набываць гэтую прадукцыю на крыві і каб спыніўся гвалт. Беларусы ўсяго свету мацуюцца, каб знік гэты гвалт, каб была салідарнасць з уісм светам і ўсіх людзей супраць нялюдскасці. Жыве Беларусь!

Як ужо паведамлялася, таксама беларуская дыяспара Беластока прыйшла ў цэнтр горада на Рынак Касцюшкі, каб паказаць, што яны нязгодныя з тым, што адбываецца ў Беларусі.

«Шакаваны тым, як рэжым выкарыстоўвае мігрантаў у якасці ціску на Еўразвяз. А ў цемры беларускіх турмаў працягваюцца гвалт і беззаконне. Там знаходзіцца больш за 1000 палітзняволеных. Іх катуюць, збіваюць і забіваюць. Заклікаем міжнародную супольнасць на весціся на шантаж дыктатара, прызнаць яго і яго паплечнікаў тэрарыстамі і працягваць ціск на яго рэжым». – адзначылі удзельнікі акцыі

Беларускае Радыё Рацыя

Фота: ej.by