Чарнагорыя з 15 траўня адмяняе каменданцкую гадзіну і адкрывае рэстараны

Нацыянальная каардынацыйная рада Чарнагорыі па барацьбе з каронавірусам прыняла рашэнне адмяніць з 15 траўня каменданцкую гадзіну і дазволіць працу кафэ і рэстаранаў. Пра гэта паведаміла прэс-служба ўрада краіны, піша ТАСС.

«Нацыянальная каардынацыйная рада прыняла рашэнне аб адмене з пятніцы, 15 траўня, забароны на перамяшчэнне з 23:00 да 05:00. Таксама ва ўсёй краіне будзе дазволена рухацца на таксі і прыватных аўтамабілях, а з панядзелка, 18 мая, дазволены і грамадскі аўта-і чыгуначны транспарт», – гаворыцца ў паведамленні.

З 15 мая пачнуць працаваць кафэ і рэстараны, афіцыянтаў абавязалі насіць маскі, наведвальнікам забаранілі збірацца за столікамі кампаніямі больш чатырох чалавек, калі яны не з’яўляюцца пры гэтым членамі адной сямʼі. Гаспадары ўстаноў павінны забяспечыць дыстанцыю паміж сталамі і дэзынфекцыю.

Паводле дадзеных Інстытута грамадскага здароўя краіны, у Чарнагорыі ўжо сем дзён не фіксуюцца новыя выпадкі заражэння каронавірусам. У аўторак памёр яшчэ адзін пацыент, агульная колькасць ахвяр дасягнула дзевяці. Цяпер агульная колькасць тых, хто заразіўся, складае 324 чалавекі.

У канцы сакавіка Нацыянальная каардынацыйная рада Чарнагорыі ўвяла комплекс абмежавальных мер, сярод якіх каменданцкая гадзіна, прыпыненне пасажырскага міжнароднага і ўнутранага паведамлення (за выключэннем грузавікоў, якія перавозяць тавары першай неабходнасці), забарона пакідаць дамы ў выхадныя дні.

Фота: magavia.by