Зэльвенская БРСМаўка ўступіла ў кампартыю, каб адзначыць 150-годдзе Леніна
Якую моладзь мясцовыя вертыкальшчыкі сёння выхоўваюць у нашых райцэнтрах? На гэта пытанне лёгка адкажа Зэльва. На днях маладую зэльвенку Марыю Лудзіч, якая скончыла Гарадзенскі каледж мастацтваў і Гарадзенскі ўніверсітэт, прынялі ў члены Камуністычнай партыі Беларусі.
Марыя Лудзіч працавала ў Зэльвенскай гімназіі педагогам-арганізатарам, а цяпер яна ўзначальвае раённы камітэт БРСМ і з’яўляецца ўжо членам Зэльвенскай арганізацыі кампартыі Беларусі. Во як пайшла “ўгару” зэльвенская дзяўчына з гарадзенскімі дыпломамі аб адукацыі.
Разам з зэльвенскімі членам кампартыі яна сёлета актыўна рыхтуееца да 150-годдзя Леніна, да 100-годдзя ленінскага камсамола, да правядзення выбараў прэзідэнта… Пройдзе час і глядзіш, зэльвенка Лудзіч узначаліць які-небудзь райцэнтр Беларусі. “Вопыт” ужо будзе.
Беларускае Радыё Рацыя, Зэльва
Фота zelwa.by