У Беларусі скарачаецца колькасць людзей занятых у эканоміцы
У эканоміцы Беларусі ў ліпені 2019 года было занята 4 млн 328,9 тыс. чалавек, вынікае з дадзеных Белстата.
Для параўнання: у ліпені 2018 года ў эканоміцы было занята 4 млн 332,7 тыс. Такім чынам, за год колькасць занятых у эканоміцы скарацілася на 3,8 тыс. чалавек.
Як паведамлялася, на 1 жніўня 2019 года на ўліку ў якасці беспрацоўных знаходзілася 12 тыс. чалавек, што на 27,6% менш, чым на такую ж дату 2018 года (16,6 тыс. чалавек).
Узровень зарэгістраванага беспрацоўя на 1 жніўня бягучага года склаў 0,3% і ў параўнанні з пачаткам жніўня 2018 года знізіўся на 0,1 працэнтнага пункта.
У другім квартале ўзровень беспрацоўя (у адпаведнасці з метадалогіяй Міжнароднай арганізацыі працы) склаў 4,4% колькасці працоўнай сілы.