Зәйлеләр тулы куәткә шикәр кайната
Зәй шикәр заводында тулы куәткә эш бара. Бүгенге көнгә завод 230516 тонна татлы тамыр кабул итте, 130000 тонна чимал эшкәртте, 16118 тонна шикәр комы эшләп чыгарды. Күрсәткечләр узган елның шул чоры белән чагыштырганда, артып киткән. Пычраклылык -10,4, шикәрлелек 16,8 процент тәшкил итә. Иң күп чөгендер “Зәй шикәре”ннән килә, кичә әлеге агрофирмадан 2377 тонна татлы тамыр килгән. Башкортстан, Бөгелмә, Сарман, Чирмешән, Лениногорск, Тукай районнарыннан заводка чимал китерелә.