Грипп Татарстанга октябрь ахырында килә
Салкын тидереп авыручылар саны октябрь ахыры ноябрь башында артыр дип көтелә. Шуңа хәзердән үк иммунитетны ныгыту турында уйларга кирәк.
Берничә гади кагыйдә:
- 7-8 сәгатьтән дә ким йокламаска.
- Ашау көнгә өчтән ким булмаска тиеш. Күбрәк яшелчә, җиләк-җимеш белән тукланыгыз.
- Ешрак хәрәкәтләнегез.
- Күбрәк һавада йөрегез.
- Һава торышына карап дөрес киенегез.
- Стресслардан качарга тырышыгыз.
Иң нәтиҗәле алым – прививка ясату, ди табиблар. Аны яшәү урыны буенча теләсә-кайсы поликлиникада ясатып була.