Үз йорты белән яшәгән һәркем беренче чиратта өй тирәсен һәм ишек алдын тәртипкә китерергә тиеш
Ә күп катлы йортта яшәүчеләр кемгә ышаналар соң? Безнең 80 фатирлы йортта 30 ел яшәп, бер тапкыр да шимбә өмәсенә чыкмаган кешеләр бик күп.
Әле өй тирәсе генә түгел бит, яз, көз айларында подъезд эчен тәртипкә китерергә, ишек, тәрәзә, стена, түшәмнәрен чистартып юарга да кирәк. Мондый эштә һәрвакыттагыча башлап йөрергә тиешле булган интеллигент халыкка нык гаҗәпләнәм. Югыйсә, алар булырга тиешләр бит инде. Ни кызганыч, ә безнең йортта берсенең дә безнең белән бер дәрәҗәдә шимбә өмәләрендә катнашканын хәтерләмим. Шушы көннәрдә генә булган бер очракны телгә алып үтәсем килә. Без барыбыз да өй тирәсен чистартып йөрибез. Берсенең үз бакчасыннан кайтып килеше. “Ел буена бер мәртәбә булышканыңны хәтерләмим”,–дигән идем, ул моңа җавап итеп: “Элек чыга идем, рәхмәт ишеткәнем булмады”,– дигәч, телсез калдым.
Раилә Дудко, йорт хуҗабикәсе.
(Бу язманы газетабыздан укый аласыз).
Фото yandex.ru