Әлмәтлеләрне “Автомобильсез бер көн” акциясендә катнашырга чакырабыз
22 сентябрьдә “Автомобильсез бер көн” акциясе узачак. Ул 1998 елдан башлап дөньяның күпчелек илләрендә үткәрелеп килә.
Әлеге акция машиналарның әйләнә-тирә мохиткә начар йогынты ясавын җәмәгатьчелеккә җиткерү һәм шәхси машиналарда хәрәкәт итүне киметүне күз уңында тота. Татарстан ел саен анда актив катнаша. Әлмәтлеләрне дә бер көнгә машиналарын калдырып торырга, җәяү һәм җәмәгать транспортларында йөрергә чакырабыз.