Кеше үтерүдә гаепләнүче Әлмәт сукбае сак астына алынган
Шәһәр суды матбугат хезмәте хәбәр итүенчә, аңлы рәвештә кеше үтергәне өчен Әлмәт сукбае сак астына алынган.
8 сентябрьдә гаепләнүче дустын кыйнаган, алган тән җәрәхәтләреннән ул үлгән. Полиция хезмәткәрләре икенче көнне үк сукбайны кулга алган. Гаепләнүченең даими яшәү урыны булмаса да, тикшерүче аны сак астына алырга кирәк дип тапкан.