Мобиль телефоннардан сөйләшүне яшерен тыңлау системасы кертелә
Кәрәзле телефоннар аша әңгәмәне контрольләү механизмын Наталья Касперскаяның InfoWatch компаниясе эшләде.
Яшерен тыңлау корпоратив сим-карталы аппаратларга гына кагыла. Ягъни шәхси түгел, ә эшлекле әңгәмәләр генә тикшерелә. Сөйләшүләрне машина кире шифрлый.
Касперская фикеренчә, бу очракта гражданнарның элемтә серен саклау буенча конституцион хокуклары бозылмый. Бу хакта “Русская служба новостей” хәбәр итә.
Әлеге системаны гамәлгә ашырып, эш бирүчеләр мәгълүматның читкә агылуы белән көрәшә алачаклар.