Рухи мирас объектлары торгызыла
Татарстан һәрчак Россиянең төрле милләт һәм дин вәкилләре дус-тату яши торган регионы булды, киләчәктә дә шулай булыр. Төрле халыкларның мәдәнияте, үзенчәлекне саклаган хәлдә, туган ягыбызның тарихын һәм мәдәниятен тагын да баета гына.
Татарстанлылар республикада яшәүче халыкларның мәдәни мирас объектларына бердәй сак карый. Төрле дин вәкилләренә тирән хөрмәт белән рухи мәдәният өйрәнелә: бу фәнни өлкәгә дә, көнкүрештә аралашуга да кагыла. Булганнары саклана, югалганнары торгызыла, яңа объектлар төзелә, аларның роле – рухи мәдәни тәрбияне дәвам итү.
2015 елның 4 ноябрендә Татарстан Республикасы Президенты Рөстәм Миңнеханов тарафыннан “Болгар ислам академиясен төзү һәм Казан Мәрьям ана иконасы соборын торгызу турында” Указга кул куелды.
Болгар ислам академиясен төзү турында башлангыч белән илнең эре мөселман дини оешмалары чыкты, ул Россия Президенты В. В. Путин тарафыннан да яклау тапты. Татар дини тәгълиматы мирасы традицияләрен дәвам итеп, Болгар ислам академиясе мөселманнарның әйдәүче фәнни-мәгариф һәм рухи-агарту үзәге булырга тиеш. 21 майда – Идел Болгарының рәсми төстә ислам динен кабул иткән көнендә академия төзеләчәк урынга истәлек ташы кую планлаштырыла.
Казан Мәрьям ана иконасы соборы, югалган оригиналның тулы күчермәсен күзаллатучы проект, торгызылачак Казан Богородица монастыренең йөрәген тәшкил итәчәк. Соборны торгызуга Мәскәү һәм Бөтенроссия изге Патриархы Кириллдан да фатиха алынды.
Бу ике изге урын өчен юридик һәм физик затлар, иҗтимагый һәм дини оешмалардан ирекле кертемнәрне җыю белән “Татарстан Республикасы тарихи һәм мәдәни һәйкәлләрне торгызу республика фонды” коммерциячел булмаган оешмасы шөгыльләнә.
Район башлыгы Разиф Кәримов белән башкарма комитет җитәкчесе Илнар Хафизов ике объект өчен дә шәхсән акчалата үз өлешләрен кертергә өлгерделәр инде. Совет һәм башкарма комитет хезмәткәрләре үз теләкләре белән ике объект өчен дә бер көнлек хезмәт хакларын күчерү турында карар кабул итте.
Изге эштә үз өлешеңне кертү - һәркемнең намус эше. Мондый гамәлләре белән зәйлеләр һәрчак аерылып торды, бу юлы да сынатмаслар дип ышанабыз.
Акча күчерү өчен махсус исәп-хисап счеты:
НО Республиканский фонд возрождения памятников истории и культуры Республики Татарстан
«Собор Казанской иконы Божьей Матери»
ИНН/КПП 1655069125/165501001
ПАО «АК БАРС» Банк
Р/сч 40603810600028000245
к/сч 30101810000000000805
БИК 049205805
НО Республиканский фонд возрождения памятников истории и культуры Республики Татарстан
«Болгарская исламская академия»
ИНН/КПП 1655069125/165501001
ПАО «АК БАРС» Банк
Р/сч 40603810900028000245
к/сч 30101810000000000805
БИК 049205805