Татарстанда мөселманнар өчен хастаханә һәм санаторий пәйда булуы мөмкин
Әлеге мәсьәлә KazanSummit форумында каралачак, дип хәбәр итә Татарстан Диния нәзарәте матбугат хезмәте.
“Вакф РТ” фондының проекты нигезендә, Яр Чаллы шәһәрендә салыначак мәчет, мәдрәсә, кунакханә, сәүдә үзәге һәм Россия Исллам Университеты филиалы белән берлектә, Казанда мөселман медицина клиникасы, Лаешта инвалид балалар өчен тернәкләндерү үзәге, Югары Осланда санатор комплекс һәм мохтаҗлар өчен “Зәкәт йорты” да тергезү ниятләнә.