Мартта безнең артистлар кайтып та кермәячәкләр икән
Әлмәт театры артистларын язын гастрольләр өстенә гастрольләр көтә. Тамашачылары нишләр инде?!
Театр директоры Фәридә Исмәгыйлова сүзләренчә, мартта безнең сәхнәбезнең иҗат җимешләрен берьюлы өч шәһәр халкы күрәчәк. Әлмәт театры Минзәләгә, Дмитровградка, Йошкар-Олага һәм Актанышка барырга җыена.
Алар юкта безнең сәхнә бушап калмаячак, әлбәттә. Әлмәтлеләр өчен үзләренең иҗат җимешләрен Мордва милли драма театры һәм Габдулла Тукай исемендәге Әтнә театры күрсәтәчәк. Шулай ук март азагында “Идел-йорт” төбәкара халык театрлары фестивале туры да бездә узачак.