Ике чит ил паспортлы булырга хокуклы
“Россия Федерациясеннән чыгу һәм Россия Федерациясенә керү тәртибе турында” 114нче Федераль Законга үзгәрешләр кертелеп, ул 2015 елның 15 декабреннән үз көченә керде.
Хәзер аның нигезендә россиялеләр икенче чит ил паспортын да рәсмиләштерергә хокуклы. Моның өчен Россия миграция хезмәте органнарына административ регламент буенча куелган документларны тапшырырга кирәк.
Моңа кадәр Россия гражданына икенче чит ил паспорты ясату, беренчесенең әле куллану срогы чыкмаган килеш, бары тик кешенең эшчәнлеге еш кына Россия территориясеннән чыгу белән бәйле булганда гына рөхсәт ителә иде.
Хәзер икенче чит ил паспорты 10 елга мәгълүматны электрон юл белән саклау рәвешендә эшләп бирелә.