Абай облысында жоғалған ер адам іздестіріліп жатыр: оның көлігі жырадан табылған
Семейде 4 қарашада жоғалып кеткен 44 жастағы Ринат Ахметов іздестіріліп жатыр. Бес күннен кейін оның Lexus LX 570 автокөлігі Бородулиха ауданындағы жырадан табылды. Ер адамды іздеу жұмыстары жалғасып жатыр, деп хабарлайды Tengrinews.kz тілшісі.
Абай облыстық полиция департаменті 1982 жылы туған Ахметов Ринат Рафиковичтің 2026 жылғы 4 қарашада үйінен шығып кеткенін хабарлады. Содан бері оның қайда екені белгісіз.
7 қарашада "102" арнасына ер адамның 69 жастағы әкесі хабарласып, ұлын іздеуге көмек сұраған.
9 қарашада іздестіру шаралары барысында Бородулиха ауданы Алексеевка ауылынан шамамен 15 шақырым жердегі жырадан жоғалған адам мінген Lexus LX 570 автокөлігі табылды, деп хабарлады Абай облыстық ПД баспасөз қызметі.
Полиция қызметкерлері іздестіру және жедел-іздестіру шараларын жалғастыруда.
Полиция Ринат Ахметовтің қайда екені туралы қандай да бір ақпараты бар немесе 4 қарашадан бері оны немесе аталған көлікті көрген жандардан 102 телефонына хабарласуды немесе жақын маңдағы полиция бөліміне баруды сұрайды.
1990 жылдары жоғалғандар бар: із-түзсіз кеткен қазақстандықтар туралы не белгілі?
Ресми мәліметтерге сәйкес, Қазақстанда әлі күнге дейін 1990-жылдардан бері іздестіріліп жатқан адамдар бар. Кейбірінің жоғалғанына 30 жылдан асса да, олардың есімдері әлі де іздеу базасында тұр.Бұған дейін Tengrinews.kz полицияның жоғалғандарды қанша жыл іздейтінін, адамдардың неліктен жоғалатынын және ондаған жылдар өткен соң істердің тағдыры не болатынын анықтаған еді. Толығырақ мына сілтеме арқылы оқи аласыз.