Әсел Жанасова премьер-министрдің орынбасары - көлік министрі болып тағайындалды

Әсел Жанасова көлік министрі болып тағайындалды, деп хабарлайды Tengrinews.kz Ақордаға сілтеме жасап.

Мемлекет басшысының жарлығымен Әсел Жұбанышқызы Жанасова Қазақстан Республикасы премьер-министрінің орынбасары – көлік министрі болып тағайындалды, ол бұрынғы атқарған лауазымынан босатылды.

Бұған дейін ол Президент Әкімшілігі басшысының орынбасары қызметін атқарған.

Айта кетейік, 3 қарашада Президент жарлығымен Нұрлан Сауранбаев Қазақстан көлік министрі лауазымынан босатылды.Әсел Жанасованың өмірбаяны1987 жылы Алматыда дүниеге келген.2010 жылы Президенттің "Болашақ" халықаралық стипендиясымен Кембридж университетін компьютерлік ғылымдар мамандығы бойынша, 2014 жылы Кембридж университеті мен М.В. Ломоносов атындағы ММУ-дің магистратурасын Executive Management бағдарламасы бойынша тәмамдаған.2010-2014 жылдары – халықаралық компанияда ақпараттық технологиялар маманы, ақпараттық технологиялар басқармасының менеджері, киберқауіпсіздік департаментінің директоры.2014-2016 жылдары – Қазақстан Ұлттық Банкінің цифрлық технологиялар департаменті директорының орынбасары.2016-2017 жылдары – "Зерде" ұлттық басқарушы холдингі" АҚ басқарма төрағасы.2017-2018 жылдары – "Астана" халықаралық қаржы орталығы басқарушысының кеңесшісі.2018-2020 жылдары – "Астана" халықаралық қаржы орталығының цифрлық технологиялар жөніндегі басқарушы директоры.2020-2022 жылдары – Қазақстанның Сауда және интеграция вице-министрі.2022-2025 жылдары – "Қазпошта" АҚ басқарма төрағасы.2025 жылғы 8 маусымда Қазақстан Республикасы Президентінің кеңесшісі болып тағайындалды.2025 жылғы 10 желтоқсанда Мемлекет басшысының Жарлығымен Президент Әкімшілігі Басшысының орынбасары болып тағайындалды.Әсел Жанасова — Дүниежүзілік экономикалық форумның Young Global Leader 2025 (WEF) мүшесі және Global Women Asia Fellow 2024 халықаралық көшбасшылық бағдарламасының қатысушысы.