“Оны бақылап жүріңіздер“: UFC жұлдызы “Барселонадағы“ қазақстандық туралы айтты
Әлеуметтік желідегі жазбаларға қарағанда, UFC-дің жеңіл салмақ рейтингінде екінші орында тұрған нокаутшы "Эль-Класико" матчіне барған. Царукян трибунада отырып, каталониялықтардың айнымас қарсыласы мадридтік "Реалдан" жеңілгенін тамашалады.
Сапар барысында Арман "Барселонаның" бірнеше ойыншысымен де кездесті, олардың арасында клуб тарихындағы тұңғыш қазақстандық - 15 жастағы Кәрім Меңдіқанов та бар.
"Аңызбен бірге түскен сурет! Көп рақмет, Арман Царукян!", - деп жазды Кәрім Instagram-дағы парақшасында.
Айта кетейік, Царукянның өзі де қазақстандық жасөспірім туралы жылы лебіз білдірді. Ол кездесуден шағын видео жариялап, Меңдіқановты болашақ жұлдыз деп атады.
"Міне, "Барселонадағы" қазақ футболының болашақ жұлдызы, осы баланы бақылап жүріңіздер! Қатты жаттығасың ба? Ал егер негізгі құрамда ойнасаң, мені матчке шақырасың ба?", - дейді файтер.
Айта кетейік, Царукян - америкалық промоушеннің қазіргі таңдағы ең танымал файтерлерінің бірі.
Оның ММА-дағы кәсіби мансабы 2015 жылы басталып, 2019 жылы UFC-де дебют жасады. Ол Чарльз Оливейра, Бенеил Дариуш және Дэн Хукер сияқты мықтылармен жұдырықтасқан. 2025 жылдың қарашасында ол Хукерді қылқындыру әдісімен, ал 2026 жылдың қыркүйегінде Маурисио Руффиді нокаутпен жеңді.
Соңғы мәліметтер бойынша, Царукян жеңіл дивизион рейтингінде екінші орында тұр, оның еншісінде 24 жеңіс және үш жеңіліс бар.
Instagram-дағы бұл жарияланымды көру
Karim Mendikanov жариялаған жазба (@k.mendikanov)
Кәрім Меңдіқанов деген кім?
15 жастағы Кәрім Меңдіқанов Орал қаласында дүниеге келген және жасөспірімдер футболында біртіндеп биік белестерді бағындырып келеді. 2022 жылдан бері Испанияда тұрады, ал осы жылдың сәуірінде "Барселона" академиясымен келісімшартқа отырды.
Жас футболшы Қазақстанның 16 жасқа дейінгі құрамасына шақырту алып жүр.
Кәрім Меңдіқановтың Оралдан "Барселонаға" дейінгі жолы және құрамадағы дебюті туралы SauBall YouTube-арнасындағы сюжеттен көре аласыздар.
“Барселонадағы“ 15 жастағы қазақстандық: Меңдіқанов Испанияға қалай тап болды?