Қазақстанда доллар айтарлықтай қымбаттады

Қазақстандағы сауда-саттықта доллар нығайып келеді. 2 қазанда Қазақстан қор биржасында (KASE) қандай бағам орнағаны - Tengrinews.kz материалында.
KASE-дегі күндізгі сауда-саттық қорытындысы бойынша доллардың орташа бағамы 5,47 теңгеге көтеріліп, 447,73 теңгеге тең болды.Ұлттық банктің 2 қазандағы ресми бағамы - бір доллар үшін 441,91 теңге.
Алматыдағы ақша айырбастау пунктеріндегі доллар бағамы

сатып алу – 446,41 теңге;сату – 448,80 теңге.

Астанадағы ақша айырбастау пунктеріндегі доллар бағамы

сатып алу – орта есеппен 443,00 теңге;сату – 450,00 теңге.

Теңгеге не болды?
Жуырда ғана теңге айтарлықтай нығайған болатын. KASE-дегі сауда-саттықта доллар бағамы 440 теңгеден төмен түскені туралы жазған едік. Сарапшылар бағам динамикасын бірнеше фактормен түсіндірді. Олардың қатарында ішкі валюта нарығындағы жағдай, шетел валютасына деген сұраныстың өзгеруі, сондай-ақ долларға деген сұраныс пен ұсыныстың арақатынасы бар.Ұлттық банк те мәлімдеме жасап, валюта нарығындағы жағдайға қатысты пікір білдірді және бағамның қалыптасуына нарықтық факторлардың әсерін атап өтті.