Қазақстан Азиадада виртуалды таэквондодан медаль жеңіп алды
Бақышева жарыс жолын 1/8 финалдан бастап, Иордания өкілі Мохаммад Аль-Адарбиді тізе бүктірді.
Ширек финалда қазақстандық спортшы Үндістан өкілі Кашиш Маликтен басым түсіп, жартылай финалға жолдама алды.
Финалға шығу үшін өткен бәсекеде Бақышева Филиппин спортшысы Джус Габриэль Дерик Япемен кездесті. Жекпе-жек 0:2 есебімен қарсыластың пайдасына аяқталды. Нәтижесінде Рита Бақышева Азия ойындарының қола жүлдегері атанды.
Instagram-дағы бұл жарияланымды көру
KTF (@qaz.tkd) жарияланымы
Виртуалды таэквондо дегеніміз не?
Виртуалды таэквондо Азия ойындарында алғаш рет ұсынылып отыр. Қатысушылар VR технологияларын қолдана отырып жарысады: олардың қимыл-қозғалысын арнайы датчиктер тіркеп, виртуалды кеңістікке тасымалдайды.
Бұл ретте спортшылар бір-бірімен тікелей физикалық байланысқа түспейді.
Осылайша, Бақышева Азияда тарихындағы жаңа дисциплинаның алғашқы жүлдегерлерінің біріне айналды.
Айта кетейік, қазіргі уақытта Қазақстан 2026 жылғы Азия ойындарының медальдық есебінде 9 алтын, 19 күміс және 37 қола медальмен тоғызыншы орында тұр.
ХХ Жазғы Азия ойындары 4 қазанға дейін жалғасады. Қазақстан құрамасы сапында спорттың 35 түрінен жүлделер үшін бақ сынайтын 558 спортшы бар.