Рыпаковадан кейін алғаш рет: Қазақстан 20 жыл өткен соң Азия ойындарынан медаль жеңіп алды

Қазақстандық Алина Чистякова ұлттық құрамаға жетісайыстан Азия ойындарында кейінгі 20 жылдағы алғашқы медальды сыйлады, деп хабарлайды Tengri Sport.
21 жастағы жеңіл атлет 800 метрге жүгіруде төртінші орын алғаннан кейін жетісайыс қорытындысы бойынша үшінші сатыны сақтап қалды. Чистякованың соңғы нәтижесі - 5568 ұпай.
Жарыс көшбасшылары жапониялық Юри Танака мен Нанака Каджики болды, ал қазақстандық спортшыдан кейін төртінші орынға өзбекстандық Угибой Ноброева жайғасты.
Айта кетейік, Қазақстан әйелдер құрамасында 2006 жылдан бері Азиаданың жетісайыс түрінен медаль болмаған еді. Ол кезде Ольга Рыпакова чемпион атанған болатын, кейіннен ол үш қарғып секіруден ел қоржынына үш Олимпиада медалін салды.












Instagram-дағы бұл жарияланымды көру

???????????????? ???????? ???????????????????????????????????? ???????????????????????? (@qaz_team_official) парақшасынан жарияланым


Еске сала кетейік, жетісайыс бағдарламасында қыздар 100 метрге жүгіру, биіктікке секіру, ядро итеру, 200 метрге жүгіру, ұзындыққа секіру, найза лақтыру және 800 метрге жүгіруден бақ сынайды. Чистякова ұзындыққа секіруде үздік шығып, 200 метрге жүгіруде екінші нәтиже көрсетті, бұл оған жалпы есепте үшінші орынға көтерілуге мүмкіндік берді.
Қазақстан құрамасы Азиадада
Алина Чистякованың медалі - 25 қыркүйекте Қазақстан құрамасы Азиадада иеленген төртінші қола жүлде.
Бұған дейін Ислам Сәтпаев 50 метрге нысана көздеуден үшінші орын алды, байдаркада есуден әйелдер құрамасы 500 метрлік қашықтықта медаль жеңіп алды, ал шпагамен семсерлесуден әйелдер құрамасы бұл бағдарлама түрі бойынша Азиада тарихындағы алғашқы қоланы еншіледі.
Қазіргі уақытта біздің команданың қоржынында барлығы 29 медаль бар: 8 алтын, 8 күміс және 13 қола. Жалпы есепте Қазақстан төртінші орында келеді.
Қазақстан құрамасы Азия ойындарында тарихи медаль жеңіп алды