Қазақстанда доллар күрт арзандады
Қазақстанда доллар бағамы 450 теңгеге дейін төмендеді. 10 қыркүйекте бағам қалай орныққанын Tengrinews.kz анықтады.
Қазақстан қор биржасындағы (KASE) күндізгі сауда-саттық қорытындысы бойынша, доллардың орташа өлшемді бағамы 450,79 теңге болып, 5,82 теңгеге төмендеді. Айта кетейік, бұл доллар 450 теңгеге дейін арзандаған 2024 жылғы маусымнан бергі ең төменгі көрсеткіш.
Ұлттық банктің 10 қыркүйекке арналған ресми бағамы - 456,89 теңге.
Айта кетейік, 10 қыркүйекте күндіз Қазақстанның ақша айырбастау пунктерінде доллар бағамы 450 теңгеден төмен түсті. Қазіргі уақытта Астана мен Алматыдағы ақша айырбастау пунктерінде доллардың орташа бағамы мынадай:
Алматыдағы ақша айырбастау пунктеріндегі доллар бағамы
сатып алу – 448,01 теңге;
сату – 450,79 теңге.
Астанадағы ақша айырбастау пунктеріндегі доллар бағамы
сатып алу – орташа есеппен 447,09 теңге;
сату – 454,11 теңге.
Доллар бағамы не болады?
Бұған дейін экономистер Ұлттық банктің базалық мөлшерлемені төмендету туралы шешімі теңге бағамына қалай әсер ететініне баға берген болатын. 4 қыркүйекте реттеуші мөлшерлемені жылдық 16,25 пайызға дейін төмендетті.
Экономистер пікірінше, бұл шешімнің өзі доллар бағамының күрт өсуетінін білдірмейді. Алдағы айларда теңге бағамына мұнай бағасы, әлемдік нарықтағы жағдай, импортқа деген сұраныс, сондай-ақ мемлекет пен Ұлттық банктің валюта нарығындағы операциялары әсер етеді.
Экономистер доллар бағамының өзгеруін тек базалық мөлшерлеменің төмендеуімен байланыстыру дұрыс емес екенін атап өтті. Олардың айтуынша, қысқа мерзімді кезеңде нарықтағы ақша ағындары маңызды рөл атқарса, ұзақ мерзімді перспективада инфляция, сауда балансы, бюджет саясаты, шикізат бағасы және сыртқы қаржылық жағдайлар шешуші факторларға айналмақ.