“Бірінші рет қорқып кеттім“. 6 жастағы қазақстандық қыз етті қалай асатынын айтып, Қазнетті күлдірді

Алты жастағы Аделинаның бешбармақ туралы әңгімесі әлеуметтік желіде қызу талқыланып жатыр. Бүлдіршін Санкт-Петербургтегі туыстарына қазақтың ұлттық тағамын дайындау жолын түсіндірген. Видео екі жыл бұрын түсірілгенімен, желіде тарап, көпшіліктің көңілінен шықты, - деп хабарлайды Tengri Life.
Бәрі қалай басталды?
Видео 2024 жылы Аделина анасы Виктория Тенмен Санкт-Петербургке туыстарына қонаққа барған кезде түсірілген.
Олар Жаңа жылда ет асу үшін Қазақстаннан ет ала барған. Анасы ас үйде қарбаласып жүргенде, алты жасар Аделина ресейлік ағаларына тағам қалай әзірленетінін өзі айтып беруді жөн көрген.

"Бізге бір жерден жылқы табу керек. Сосын ол жылқыны сойып, ет аламыз. Ет қайнап жатыр, сондықтан қазір бешбармақ дайын болады", - дейді Аделина кішкентай бауырларына.













Instagram-дағы бұл жарияланымды көру

Victoria (@victoria_ggor) жариялаған видео


"Тіпті біз де бұлай дәмді етіп сипаттай алмаймыз"
Ролик қызу талқыға түсті. Желі қолданушылары бұл әңгімені тыңдап отырған баланың реакциясына назар аударды.

"Бешбармақтың қалай дайындалатынын естіп, бірінші рет қорқып кеттім", "Ойбай, тіпті біз, қазақтар да бұлай дәмді етіп сипаттай алмаймыз", "Ата-анасы талғамын дұрыс қалыптастырыпты", "Жақында бешбармақ жейміз деп қалай шабытпен айтты", - деп жазды қолданушылар видео астындағы пікірлерде.

Отбасы туралы не белгілі?
Аделинаның анасы Виктория Тен олардың отбасында бірнеше мәдениет тоғысқанын айтты: отағасы - кәріс, ал Викторияның өзі - поляк және қазақ тамыры бар метис.

"Біздің көпұлтты отбасымызда әртүрлі тағамдар дайындалады, бешбармақты жиі пісіріп, қонақ шақырамыз", - дейді ол.

Виктория отбасының Ресейге жиі баратынын және әр барған сайын Қазақстаннан базарлық апаратынын жеткізді.

"Ресейге біз әрдайым Қазақстанның еті мен шоколадын апарамыз, ағам біздің тағамдарды қатты сағынады. Сондықтан Ресейде болсақ та, дастарқан басына туыстар мен достар жиналады", - деді ол.

Тен отбасы үшін ет асу - жай ғана тамақ ішу емес, балаларға аманат етіп қалдырғысы келетін дәстүрдің бір бөлігі.

"Біз дәстүрге өте ұқыпты қараймыз. Балаларымның қырқынан шығару рәсімін жасадық, ал бір жасқа толғанда барлық жол-жоралғымен тұсауын кестік. Меніңше, балалар халқымыздың салт-дәстүрін біліп, құрметтеуі керек. Ал мұны тек өз үлгімізбен ғана сіңіре аламыз", - дейді Виктория.

Асылған ет - қазақ асханасының ұлттық тағамы. Бұл - жұмсақ піскен ет, нәрлі сорпа және жұқа жайылған қамыр.
Тағы оқыңыз: “Ойынды таныдым“. Қазақстандық Аустралияда тапқан ерекше олжасын көрсетті