“Жеңілу өкінішті“ - Дастан Сәтпаев “Бернлидің“ негізгі құрамындағы дебютінен кейін
Осы маусымнан бастап Сәтпаев өнер көрсетіп жүрген Чемпионшип клубы 1/32 финалда 1-лиганың "Брэдфорд" командасына пенальти сериясында жол беріп, турнирден шығып қалды.
Жеңілістен бірнеше сағат өткен соң, қазақстандық футболшы "қою қызыл түстілердің" ("Бернлидің" эмблема түсіне байланысты лақап аты) жанкүйерлеріне үндеу жасады.
"Бүгін бізбен бірге болып, соңғы секундқа дейін қолдау көрсеткендердің бәріне рақмет. Пенальти сериясында жеңілу өте өкінішті, бірақ футбол деген осы. Біз алаңда соңына дейін барымызды салдық. Қолдауларыңыз үшін рақмет. Бұл тек бастамасы ғана. Біз жұмыс істеп, бірге күшейе түсеміз. Алға, қою қызыл түстілер!" - деді Сәтпаев.
Айта кетейік, Қазақстаннан шыққан 18 жастағы вингер үшін бұл матч команданың негізгі құрамындағы алғашқысы болды. Ол алаңда 80 минут өткізіп, кейін ауыстырылды және пенальти сериясына қатысқан жоқ.
Сәтпаев нәтижелі әрекеттерімен көзге түсе алмаса да, жанкүйерлер оны жылы қабылдады. Әлеуметтік желілерде кейбіреулер оны осы кездесудегі команда сапындағы жалғыз жарқын тұлға деп атап жатыр.
Instagram-дағы бұл жарияланымды көру
Дастан Сәтпаевтың (@d.satpayev) жариялауы
Дастан Сәтпаев Англияда
Еске сала кетейік, "Қайрат" түлегі Дастан Сәтпаевтың құқығы биылғы жаздан бастап түпкілікті лондондық "Челсиге" тиесілі. Алайда жаттықтырушылар штабы биыл ойыншыны деңгейі төмендеу клубқа жалға беру туралы шешім қабылдады.
Қазіргі уақытта қазақстандық футболшы Чемпионшипте бір матч және Ағылшын лигасының кубогінде бір матч өткізіп, әзірге гол немесе нәтижелі паспен ерекшеленген жоқ.
Dastan Satpayev vs Bradford City pic.twitter.com/eSmf6oj6zM
— Jb (@simplyjb22) 26 тамыз, 2026 жыл
Дастан Сәтпаев қашан гол соғуы мүмкін?
"Челси" сапындағы жолдастық кездесулерде қазақстандық футболшы гол соғу үшін бір ғана сәтті эпизод жеткілікті екенін көрсетті. Ол лондондықтар сапындағы алғашқы добын бірінші ойынның 6-минутында соққан болатын.
Егер бапкер Чемпионшиптің келесі турындағы "Норвичпен" ойында қазақстандыққа мүмкіндік берсе, Дастан "Бернли" сапындағы голдарының есебін осы аптада ашуы мүмкін.
"Норвичпен" өтетін ойын 29 тамызда Қазақстан уақытымен сағат 19:00-де басталады.
“Тевеске ұқсайды“: жанкүйерлер Сәтпаевтың Лига кубогіндегі алғашқы матчіне тәнті болды
“Реал“ бізге келмейді: Чемпиондар лигасының барлық қатысушысы анықталды