ӘЧ финалына шыққаннан кейін Мессидің “Алтын доп“ рейтингіндегі орны аталды

Футболдан Әлем чемпионатының жартылай финалдық матчтері аяқталғаннан кейін аргентиналық Лионель Месси "Алтын доп" сыйлығына басты үміткерлердің біріне айналды, деп хабарлайды Tengri Sport тілшісі goal.com-ға сілтеме жасап. Қазіргі футболдағы басты жеке сыйлықтың фавориттер рейтингін үнемі жаңартып отыратын беделді басылым кейінгі бір жылда алғаш рет 39 жастағы Мессиді үздік екілік қатарына қосты. Осыдан бір апта бұрын аргентиналық ойыншы үздік бестікті түйіндесе, Әлем чемпионаты қарсаңында тіпті үздік ондыққа да кірмеген еді.
Рейтинг құрушылар шешіміне ӘЧ-2026 жартылай финалындағы матчтердің нәтижесі әсер еткені анық, онда Месси бастаған Аргентина мен Ямаль бастаған Испания құрамалары жеңіске жеткен болатын.
Бұл ретте рейтингте көш басында әлі де ағылшын Харри Кейн тұр. Ол нәтижелілік жағынан керемет маусым өткізгенімен, ұлттық құрамасын Әлем чемпионаты финалына шығара алмады.












Instagram-дағы бұл жарияланымды көру

Harry Kane (@harrykane) жарияланымы


"Алтын доп" - 2026 сыйлығының үздік 10 фавориті:

Харри Кейн ("Бавария", Англия құрамасы);
Лионель Месси ("Интер" Майами, Аргентина құрамасы);
Ламин Ямаль ("Барселона", Испания құрамасы);
Майкл Олисе ("Бавария", Франция құрамасы);
Килиан Мбаппе ("Реал", Франция құрамасы);
Усман Дембеле ("ПСЖ", Франция құрамасы);
Хвича Кварацхелия ("ПСЖ", Грузия құрамасы);
Эрлинг Холанд ("Манчестер Сити", Норвегия құрамасы);
Луис Диас ("Бавария", Колумбия құрамасы);
Витинья ("ПСЖ", Колумбия құрамасы).

Айта кетейік, үздік ондықтағы ойыншылар арасында бұған дейін Месси мен Дембеле ғана "Алтын доп" иегері атанған. Дегенмен, басты фаворит Әлем чемпионаты финалынан кейін біржола анықталса керек.












Instagram-дағы бұл жарияланымды көру

Leo Messi (@leomessi) жарияланымы


"Алтын доп" сыйлығы деген не?
Еске сала кетейік, "Алтын доп" сыйлығы 1956 жылдан бері беріліп келеді және марапат тарихының әртүрлі кезеңінде оның критерийлері де өзгеріп отырды. Бастапқыда France Football журналистері бұл сыйлықты тек ең үздік еуропалық футболшыға берсе, 1995 жылдан бастап кез келген ұлттың ойыншылары үміткерлер тізіміне кіретін болды.
Дауыс беру нәтижесін анықтайтын қазылар алқасына УЕФА мен ФИФА-ға мүше елдердің өкілдері енді.2022 жылға дейін ФИФА құрамына кіретін әрбір федерацияның дауыс беру құқығы болса, 2022 жылдан бастап тек әлемдік рейтингтің үздік 100 елінің өкілдері дауыс береді. Осылайша, Қазақстан жеңімпазды таңдау құқығынан айырылды, өйткені біздің құрама 111-орында тұр.
"Алтын доп" қазіргі футболдағы жеке марапаттар ішіндегі ең беделдісі болып саналады. Бұл марапат саны бойынша абсолют рекордшы аргентиналық Лионель Месси (8 рет).
Биыл сыйлық 26 қазанда Лондонда марапаттың 70 жылдық мерейтойы құрметіне табысталады.












Instagram-дағы бұл жарияланымды көру

Ballon d’Or (@ballondorofficial) жарияланымы


Бұған дейін Лионель Месси мен Аргентина құрамасы футболдан Әлем чемпионатының финалына шыққан болатын. Команда бас жүлдеге Испания құрамасымен таласады.
Матчтен кейін Месси жартылай финалдағы камбэкті "таңғаларлық" деп атады.