“Мессидің сүйіктісі“: ағылшындар ӘЧ жартылай финалына тағайындалған төрешіге наразылық білдірді
Мароккодан шыққан америкалық төрешінің ресми тағайындалғаны бүгін белгілі болды.
Ағылшындардың қаупі Эльфаттың Месси мен оның командасы қатысқан төрт матчта төрелік етіп, оның бәрінде аргентиналықтардың жеңіске жеткенімен байланысты. Әсіресе, төрешінің соңғы әлем чемпионатының Аргентина - Франция финалына қатысқаны ерекше атап өтілді, ол ойын Мессидің жеңісімен аяқталған болатын.
"Мароккода туып, АҚШ-та өскен Эльфат тарихындағы ең үздік ойындардың бірі саналатын Аргентина мен Франция арасындағы финалдық айқасты бақылаған болатын. Қорытындысында матч 3:3 есебімен аяқталып, пенальти сериясында Аргентина 4:2 есебімен басым түсті – Месси екі гол соғып, басты кубокты басына көтерді. Сонымен қатар, Эльфат Мессимен жақсы таныс, өйткені ол "Интер Майамидің" төрт ойынында төрелік етті және Месси оның бәрінде жеңіске жетті", - деп жазады The Sun.
Өзге БАҚ өкілдері бұдан да өткір пікір жазып жатыр. Мақалаларда "Аргентинаның тілегі орындалды" немесе "Месси өзінің сүйікті төрешісіне қол жеткізді" деген пікірлер айтылып жатыр.
Instagram-дағы бұл жарияланымды көру
???????????????? HERE WE GO ???? (@liveherewego) жарияланымы
Аргентина құрамасы төңірегіндегі даулар
Еске салайық, бүкіл әлем чемпионаты бойы Аргентина командасына "ФИФА көмектесіп жатыр", ал төрешілер олардың қарсыластарына жасалған ереже бұзушылықтарды байқамайды деген айыптар тағылып келеді.
Мұндай әңгімелер алғашқы матчте-ақ басталды, сол кезде Месси қарсыласының аяғынан тепсе де, тіпті сары қағазбен де жазаланбаған еді.
As a Messi fan I must confess he's really been favoured by referee. That's a red card offence! Period! pic.twitter.com/y1CnqFIVfG
— RAZOR BLADE (@razorblade300) June 17, 2026
Аргентина - Мысыр арасындағы 1/8 финалдық кездесуден кейін африкалық команда басшылығы да төрешілікке шағымданды.
"Бұл анық қолдан жасалған матч болды және оны бүкіл әлем көрді. Егер олар Аргентинаның жеңгенін осыншалықты қатты қаласа, басқаларды қатысуға шақырудың не қажеті бар? Әлем чемпионатының маркетингтік индустрияға айналғаны айдан анық. Олар Мессидің шығып кеткенін қаламайды. Сол себепті бұл кездесуде әділдік болған жоқ. Месси босқа тойламауы керек", - деп мәлімдеді ойыннан кейін Мысыр құрамасының бас жаттықтырушысы Хоссам Хассан, ал федерация ФИФА-ға шағым түсірді.
Аргентинаның 1/4 финалдағы қарсыластары – Швейцария командасы да төрешілікке наразылық білдірді.
"Аргентиналықтардың барлық симуляциялары мен фолдары жазасыз қалды. Әдетте мен төрешілерге қарсы ештеңе айтпайтынмын, бірақ бүгінгідей біржақты ойынды ешқашан көрген емеспін", - деді Мануэль Аканджи кездесу аяқталғаннан кейін.
Көптеген дау-дамайдан кейін белсенділер ФИФА-дан Аргентинаны әлем чемпионатынан шығаруды талап ететін петиция жариялады. Оған 6 миллионнан аса адам қол қойды.
Аргентина - Англия: ӘЧ-2026 жартылай финалы
Еске салайық, Аргентина құрамасы Австрия, Алжир және Иорданиямен бір топтан бірінші орынмен шығып, кейін плей-оффта Кабо-Верде, Мысыр және Швейцария командаларын жеңген болатын.
Үш матчтің екеуінде аргентиналықтарға қосымша уақыт ойнауға тура келді.
Қазақстан уақытымен 16 шілдеге қараған түні олар әлем чемпионатының финалына шығу үшін Англия құрамасына қарсы ойнайды.