“Қазіргі күйімді тозақпен ғана салыстыра аламын“ - Конор Макгрегор

UFC жұлдызы Конор Макгрегор октагонға сәтсіз оралғаннан кейін мәлімдеме жасады. Спортшы жекпе-жектен кейінгі әсерін X әлеуметтік желісінде ашық жазды, - деп хабарлайды Tengri Sport.
Макгрегордың айтуынша, ол ауыр жарақат алған, қазір жағдайы өте қиын.

"Буыным (тізем — ред. ескертуі) істен шықты. Тізем быт-шыт болды. Жекпе-жекке дейін ешқандай жарақатым болған жоқ. Бүкіл жаттығу лагері кезінде де, айқасқа шығар алдында сахна сыртында да аяқпен соққы жасап, нық тұрып, еркін қозғалып жүргенмін. Мұның бәрі аяқасты болды. Қазір маған өте ауыр. Мұны тозақпен ғана салыстыра аламын", - деп жазды ол жеңілістен кейін.

Жарияланған сәттен бері UFC жұлдызының жазбасын 2,8 миллион адам көрген.
Еске салайық, бүгін Конор Макгрегор Макс Холлоуэйге қарсы жекпе-жекте техникалық нокаутпен жеңілді.
Бірінші раундта Конор аяқпен екі соққы жасап, кейін құлап қалды. Орнынан тұрған соң ирландиялық спортшы қайтадан қос соққы жасап, тағы да канвасқа құлады. Екінші рет тұрғаннан кейін Макгрегор қатты ақсай бастады. Осыдан соң төреші жекпе-жекті тоқтатты.
Нәтижесінде Макс Холлоуэй техникалық нокаутпен жеңіске жетті.