2026 жылғы ӘЧ 1/8 матчтерін қайда және қашан көруге болады?
Бүгінгі 1/8 финал матчтерді Бразилия Норвегияға қарсы ойнаса, Мексика Англиямен кездеседі.
Ойындар Қазақстан уақытымен сағат 01:00-де және 05:00-де басталады.
Кездесулерді Qazsport телеарнасы, сондай-ақ, сайты телеарнасы тікелей эфирде көрсетеді.
Винисиус пен Холанд — бір матчте турнирдің басты жұлдыздары бақ сынайдыОйын күнінің алғашқы матчінде Бразилия Норвегиямен кездеседі. Командалардың басты жұлдыздары — "Реалдың" шабуылшысы Винисиус Жуниор мен "Манчестер Ситидің" сұрмергені Эрлинг Холанд.
Норвегия әлем чемпионатына төртінші рет қатысып отыр. Үздік нәтижесі — 1938 және 1998 жылдардағы 1/8 финалға шығуы.
Ал Бразилия алдыңғы 2018 және 2022 жылдардағы мундиалдарда 1/4 финал сатысында тоқтаған болатын.
Айта кетейік, бразилиялықтар норвегиялықтарды ешқашан жеңіп көрмеген. Командалар 1988 және 2006 жылдары тең түскен (1:1).1997 жылы Норвегия жолдастық кездесуде 4:2 есебімен жеңіске жетсе, бір жылдан кейін ӘЧ-98 топтық кезеңінде Бразилия скандинавиялықтарға 1:2 есебімен жол берді.
Бразилия — Норвегия матчі 6 шілдеде Қазақстан уақытымен сағат 01:00-де басталады.
Instagram-дағы бұл жарияланымды көру
433 (@433) жарияланымы
Мексика 40 жыл бұрынғы тарихи рекордын қайталауға тырысады
Егер Мексика Англияны жеңсе, латынамерикалықтар 1970 және 1986 жылдардағы жетістіктерін қайталап, ӘЧ ширек финалына жолдама алады.
Ағылшындар болса, құрамы ең қымбат ұжымдардың бірі болса да, көбіне финал сатыларға өткенімен, тіпті жүлделі орындарға жете алмай жатады. Олар бір рет осыдан 60 жыл бұрын, 1966 жылы чемпион атанған.
Бұл матч ағылшын шабуылшысы Харри Кейнге (5 гол) сұрмергендер жарысындағы көшбасшылар — 7 голдан соққан Лионель Месси мен Килиан Мбаппені қуып жетуге мүмкіндік береді.
Мексика — Англия матчі 6 шілдеде Қазақстан уақытымен сағат 05:00-де басталады.
Instagram-дағы бұл жарияланымды көру
England football team (@england) жарияланымдарынан