Бір жарым есеге өскен: Қазақстандағы электрмобильдер ең көп өңірлер аталды
Қазақстанда электр қуатымен жүретін экологиялық көліктерге деген қызығушылық арта түсті, деп хабарлайды Tengri Auto Ұлттық статистика бюросына сілтеме жасап.
2026 жылғы 1 маусымдағы мәлімет бойынша, елде 24 634 жеңіл электромобиль бар. Кейінгі 12 ай ішінде олардың саны 55,6 пайызға артты.
Мәселен, өткен жылы 15 835 электрокар тіркелген болатын.
Электрмобильдер саны бойынша Алматы қаласы көш бастап тұр. Мұнда еліміздегі барлық "жасыл" автопарктің 62 пайызы немесе 15 280 автокөлік бар.
Екінші орында 2 885 электрмобиль тіркелген Астана қаласы тұрса, үшінші орында 1 589 көлігі бар Алматы облысы орналасқан.
Сарапшылардың айтуынша, бүгінде электрмобильдер Қазақстанның барлық өңірінде тіркелген. Дегенмен олардың таралуы әлі де біркелкі емес. Мәселен, Абай облысында небәрі 78 электромобиль болса, Ұлытау облысында бар-жоғы 41 көлік қана бар.
Бұған дейін біз Қазақстанның кейбір өңірлерінде электрмобильдердің неліктен танымал емес екенін зерттеген болатынбыз.
Мұның бір себебі - көптеген қалада қуаттау станцияларының әлі де тапшылығында, сондай-ақ үйге қуаттағыш орнату қосымша шығындарды талап етеді, ал бұған кез келген көлік иесі дайын емес.