Бейжіңдегі ең биік ғимаратқа ұшақ соғылды
Бейжіңдегі ең биік ғимарат CITIC Tower-ге (China Zun) шағын ұшақ соғылды. Оқиға жұма, 26 маусымда түс кезінде болды, деп хабарлайды Tengrinews.kz тілшісі South China Morning Post-қа сілтеме жасап.
109 қабатты ғимараттың биіктігі 528 метр. Нысан Қытай астанасының орталығында орналасқан. Куәгерлер түсірген кадрлардан ұшақ сынықтарының жерге құлап жатқанын көруге болады. Сөз Sunward SA 60L Aurora жеңіл спорттық ұшағы туралы болып отыр.
scmp.com
Ғимараттан адамдар эвакуацияланды, нысан маңына өрт сөндіру, полиция және жедел жәрдем көліктері жиналды.
Соққыдан кейін көшеге ғимараттың сынықтары мен ұшақ бөлшектері құлады. Куәгердің айтуынша, оқиғадан соң басынан жарақат алған әйелді жедел жәрдем алып кеткен.
Полицейлер ғимаратқа баратын жолдардың бір бөлігін жауып, оқиға орнына кіруді шектеді және өтіп бара жатқан адамдарға түсірілім жасауға рұқсат бермей жатыр.