Қуат Хамитов UFC үздігіне қарсы жекпе-жек өткізеді
RAF (Real American Freestyle) күрес промоушенінің баспасөз қызметі Грузияда өтетін турнирдегі жекпе-жектерді жариялады.
Кездесулердің бірінде белгілі қазақстандық ММА файтері Қуат Хамитов пен UFC-дің жеңіл салмақтағы үздік өкілі, армян файтері Арман Царукян кездеседі.
Турнирдің өзі 11 шілдеде өтеді.
Instagram-дағы бұл жарияланымды көру
Real American Freestyle (@rafwrestlingusa) жарияланымы
Еске сала кетейік, бұған дейін Қуат Хамитов Арман Царукянмен күрескісі келетінін мәлімдеген болатын. Мәскеуде өткен бразилиялық джиу-джитсудан ACBJJ20 турнирінің алдында Хамитов пен Царукян арасында қысқаша диалог болған еді.
Сол кезде Қуат Царукянға өзімен жұдырықтасу туралы ұсыныстар түскенін, бірақ ол UFC файтері Шарабутдин Магомедовпен жекпе-жекті таңдағанын айтты. Ал Царукян бұған қарсылық білдіріп, егер оған қазақстандықпен кездесу ұсынылса, міндетті түрде соны таңдайтынын жеткізді.
Арман Царукян - UFC жұлдызы
Еске сала кетейік, Арман Царукян UFC-дегі соңғы жекпе-жегінде Дэн Хукерді мерзімінен бұрын жеңген болатын. Сонымен қатар жеңіл салмақтағы уақытша белбеуді Джастин Гэтжи мен Пэдди Пимблетт сарапқа салады, ал чемпион Илия Топурия мансабын уақытша тоқтататынын жариялады.