Жаңбыр, найзағай және дауыл: 2 маусымда Қазақстанда ауа райы қандай болады?

2 маусымда республиканың басым бөлігінде ауа райы құбылмалы болады - жаңбыр жауып, найзағай ойнайды деп болжанls. Елдің батысы мен солтүстігінде нөсер жауып, бұршақ түсуі және екпінді жел соғуы мүмкін. Республика бойынша жел күшейіп, оңтүстік-батыс пен оңтүстікте шаңды дауыл тұрады деп хабарлайды Tengrinews.kz "Қазгидрометке" сілтеме жасап.

Астана - күн бұлтты, түнде жаңбыр жауып, найзағай ойнайды. Түнде және таңертең тұман түседі. Солтүстік-шығыстан соғатын жел солтүстік-батысқа ауысады, жылдамдығы секундына 9-14 метр. Ауа температурасы түнде 14-16, күндіз 27-29 градус жылы.

Алматы - күн бұлтты, күндіз өткінші жаңбыр жауып, найзағай ойнайды. Батыстан соғатын желдің жылдамдығы 3-8, күндіз екпіні секундына 15 метрге дейін жетеді. Ауа температурасы түнде 21-23, күндіз 31-33 градус жылы. Іле Алатауы тауларында (Алматы қаласы Медеу және Бостандық аудандарының таулы аймақтары) өткінші жаңбыр жауып, найзағай ойнайды. Батыстан соғатын желдің жылдамдығы 9-14, екпіні секундына 15-20 метр. Ауа температурасы түнде 10-15, күндіз 23-28 градус жылы.

Шымкент - күн бұлтты, жауын-шашынсыз. Солтүстік-батыстан соғатын желдің жылдамдығы секундына 8-13 метр. Ауа температурасы түнде 19-21, күндіз 34-36 градус жылы.

Ақмола облысы - түнде жаңбыр жауып, найзағай ойнайды, облыстың солтүстігі мен шығысында нөсер жаңбыр жауып, бұршақ түседі. Күндіз облыстың солтүстігі мен шығысында аздаған жаңбыр жауып, найзағай ойнайды. Түнде және таңертең облыстың батысы мен оңтүстігінде тұман түседі. Солтүстік-шығыстан соғатын жел солтүстік-батысқа ауысады, жылдамдығы 9-14, түнде облыстың солтүстігінде, оңтүстігінде және шығысында екпіні секундына 15-20 метрге жетеді. Ауа температурасы түнде 13-18, облыстың батысында 8, күндіз 24-29 градус жылы. Көкшетау - күн бұлтты, түнде жаңбыр жауып, найзағай ойнайды. Солтүстік-шығыстан соғатын жел солтүстік-батысқа ауысады, жылдамдығы секундына 7-12 метр. Ауа температурасы түнде 14-16, күндіз 24-26 градус жылы.

Алматы облысы - облыстың батысында, солтүстігінде, оңтүстігінде және таулы аудандарында өткінші жаңбыр жауып, найзағай ойнайды. Батыстан соғатын желдің жылдамдығы 9-14, облыстың батысында, оңтүстігінде, шығысында және таулы аудандарында екпіні секундына 15-20 метрге жетеді. Ауа температурасы түнде 20-25, облыстың таулы аудандарында 10-15 градус жылы, күндіз 31-36 градус аптап ыстық, таулы аудандарда 23-28 градус жылы.Қонаев - күн бұлтты, жауын-шашынсыз. Батыстан соғатын желдің жылдамдығы 9-14, екпіні секундына 15-20 метр. Ауа температурасы түнде 20-22, күндіз 32-34 градус жылы.

Жетісу облысы - облыстың шығысында, оңтүстігінде және таулы аудандарында өткінші жаңбыр жауып, найзағай ойнайды, күндіз облыс орталығында аздаған жаңбыр жауады. Оңтүстік-батыстан соғатын желдің жылдамдығы 9-14, облыстың шығысында және таулы аудандарында екпіні секундына 15-20 метр. Ауа температурасы түнде 19-24, таулы аудандарда 14 градус жылы, күндіз 30-35 градус аптап ыстық, таулы аудандарда 27 градус жылы. Талдықорған - күн бұлтты, күндіз аздаған жаңбыр жауады. Оңтүстік-батыстан соғатын желдің жылдамдығы секундына 7-12 метр. Ауа температурасы түнде 19-21, күндіз 32-34 градус жылы.

Түркістан облысы - облыстың таулы аудандарында өткінші жаңбыр жауып, найзағай ойнайды. Солтүстік-батыстан соғатын желдің жылдамдығы 8-13, таулы аудандарда секундына 15-20 метр. Ауа температурасы түнде 19-24, таулы аудандарда 16, күндіз 32-37, таулы аудандарда 29 градус жылы. Түркістан - күн бұлтты, жауын-шашынсыз. Солтүстік-батыстан соғатын желдің жылдамдығы секундына 8-13 метр. Ауа температурасы түнде 22-24, күндіз 35-37 градус жылы.

Батыс Қазақстан облысы - жаңбыр жауып, найзағай ойнайды, күндіз облыстың батысы мен солтүстігінде бұршақ жауып, дауыл тұрады. Оңтүстік-батыстан соғатын жел солтүстік-батысқа ауысады, жылдамдығы 9-14, күндіз облыстың оңтүстігі мен шығысында екпіні секундына 15-20 метр. Ауа температурасы түнде 8-13, күндіз 15-20 градус жылы. Орал - күн бұлтты, жаңбыр жауып, найзағай ойнайды, күндіз бұршақ жауып, дауыл тұрады. Оңтүстік-батыстан соғатын жел солтүстік-батысқа ауысады, жылдамдығы секундына 9-14 метр. Ауа температурасы түнде 8-10, күндіз 16-18 градус жылы.

Атырау облысы - түнде облыстың батысы мен солтүстігінде жаңбыр жауып, найзағай ойнайды, күндіз облыстың оңтүстігі мен шығысында жаңбыр жауып, найзағай ойнайды. Солтүстік-батыстан соғатын желдің жылдамдығы секундына 9-14 метр. Ауа температурасы түнде 11-16, күндіз 17-22, облыстың шығысында 25 градус жылы. Атырау - күн бұлтты, таңертең және күндіз жаңбыр жауып, найзағай ойнайды. Солтүстік-батыстан соғатын желдің жылдамдығы секундына 5-10 метр. Ауа температурасы түнде 13-15, күндіз 19-21 градус жылы.

Маңғыстау облысы - күндіз облыстың батысында, солтүстігінде және орталығында жаңбыр жауып, найзағай ойнайды, бұршақ түседі. Солтүстік-батыстан соғатын желдің жылдамдығы 9-14, күндіз облыстың солтүстік-шығысында екпіні секундына 15-20 метр. Ауа температурасы түнде 12-17, күндіз 25-30, облыстың батысында 22 градус жылы. Ақтау - күн бұлтты, күндіз жаңбыр жауып, найзағай ойнайды. Солтүстік-батыстан соғатын желдің жылдамдығы секундына 9-14 метр. Ауа температурасы түнде 14-16, күндіз 22-24 градус жылы.

Ақтөбе облысы - түнде облыстың солтүстік-шығысында аздаған жаңбыр жауады, күндіз облыстың батысы мен солтүстігінде жаңбыр жауып, найзағай ойнайды. Түнде және таңертең облыстың солтүстігінде тұман түседі. Оңтүстік-батыстан соғатын желдің жылдамдығы 9-14, күндіз облыстың солтүстігінде, оңтүстігінде және орталығында екпіні секундына 15-18 метр. Ауа температурасы түнде 7-12, облыстың батысы мен оңтүстігінде 15, күндіз 15-20, оңтүстігі мен шығысында 25-30 градус жылы. Ақтөбе - күн бұлтты, күндіз жаңбыр жауып, найзағай ойнайды. Түнде және таңертең тұман түседі. Оңтүстік-батыстан соғатын желдің жылдамдығы 5-10 метр, ауа температурасы түнде 8-10, күндіз 18-20 градус жылы.

Қостанай облысы - түнде облыстың батысында аздаған жаңбыр, солтүстік-шығысында жаңбыр жауып, найзағай ойнайды. Түнде және таңертең облыстың батысы мен шығысында тұман түседі. Солтүстік-батыстан, батыстан соғатын желдің жылдамдығы секундына 9-14 метр. Ауа температурасы түнде 11-16, облыстың батысында 8, күндіз 21-26, оңтүстігінде 30 градус жылы.Қостанай - күн бұлтты, жауын-шашынсыз. Солтүстік-батыстан, батыстан соғатын желдің жылдамдығы секундына 7-12 метр. Ауа температурасы түнде 11-13, күндіз 24-26 градус жылы.

Солтүстік Қазақстан облысы - облыстың батысында жаңбыр, солтүстігінде аздаған жаңбыр жауады. Облыстың батысында, солтүстігінде найзағай, күндіз бұршақ күтіледі. Түнде және таңертең облыстың батысында, шығысында тұман түседі. Жел солтүстік-шығыстан батысқа ауысып соғады, жылдамдығы 9-14, облыстың оңтүстігінде, шығысында екпіні секундсына 15-20 метр. Ауа температурасы түнде 12-17, облыстың оңтүстік-батысында 7, күндіз 26-31, облыстың солтүстігінде, батысында 23 градус жылы. Петропавл - айнымалы бұлттылық, аздаған жаңбыр, найзағай, күндіз бұршақ жауады. Жел солтүстік-шығыстан батысқа ауысып соғады, түнде жылдамдығы 7-12, күндіз секундсына 9-14 метр. Ауа температурасы түнде 12-14, күндіз 23-25 градус жылы.

Павлодар облысы - жаңбыр, найзағай, түнде облыстың батысында, солтүстігінде қатты жаңбыр, бұршақ жауады. Түнде және таңертең облыстың батысында тұман түседі. Жел батыстан 9-14 жылдамдықпен соғады, облыстың батысында, солтүстігінде, шығысында екпіні секундсына 15-20 метр. Ауа температурасы түнде 17-22, күндіз 27-32 градус жылы.Павлодар - айнымалы бұлттылық, жаңбыр, найзағай болады. Жел батыстан 9-14 жылдамдықпен соғады, екпіні секундсына 15-20 метр. Ауа температурасы түнде 18-20, күндіз 29-31 градус жылы.

Қарағанды облысы - түнде облыстың солтүстігінде, оңтүстігінде аздаған жаңбыр, найзағай, облыстың шығысында жаңбыр, найзағай, күндіз облыстың солтүстігінде, шығысында жаңбыр, найзағай күтіледі. Түнде және таңертең облыстың батысында, солтүстігінде, шығысында тұман түседі. Жел солтүстік-батыстан 9-14 жылдамдықпен соғады, күндіз облыстың шығысында, оңтүстігінде екпіні секундсына 15-20 метр. Ауа температурасы түнде 12-17, облыстың оңтүстігінде 22-27 градус жылы, күндіз 25-30 градус жылы, облыстың оңтүстігінде 35 градус қатты ыстық болады.Қарағанды - айнымалы бұлттылық, түнде аздаған жаңбыр, найзағай, күндіз жаңбыр, найзағай болады. Түнде және таңертең тұман түседі. Жел солтүстік-батыстан секундсына 9-14 метр жылдамдықпен соғады. Ауа температурасы түнде 14-16, күндіз 27-29 градус жылы.

Ұлытау облысы - облыстың солтүстігінде, шығысында аздаған жаңбыр, найзағай күтіледі. Түнде және таңертең облыстың солтүстігінде, шығысында, орталығында тұман түседі. Жел солтүстік-батыстан секундсына 9-14 метр жылдамдықпен соғады. Ауа температурасы түнде 17-22, облыстың солтүстігінде 14, күндіз 29-34 градус жылы. Жезқазған - айнымалы бұлттылық, жауын-шашынсыз. Түнде және таңертең тұман түседі. Жел солтүстік-батыстан секундсына 9-14 метр жылдамдықпен соғады. Ауа температурасы түнде 17-19, күндіз 30-32 градус жылы.

Шығыс Қазақстан облысы - күндіз облыстың батысында, солтүстігінде, шығысында аздаған жаңбыр, найзағай болады. Жел оңтүстік-шығыстан батысқа ауысып соғады, жылдамдығы 9-14, күндіз облыстың батысында, солтүстігінде, шығысында екпіні секундсына 15-20 метр. Ауа температурасы түнде 15-20, облыстың шығысында 12, күндіз 29-34, облыстың шығысында 25 градус жылы. Өскемен - айнымалы бұлттылық, жауын-шашынсыз. Жел оңтүстік-шығыстан батысқа ауысып соғады, түнде жылдамдығы 1-6, күндіз секундсына 5-10 метр. Ауа температурасы түнде 15-17, күндіз 31-33 градус жылы.

Абай облысы - күндіз облыстың батысында, солтүстігінде, орталығында жаңбыр, найзағай, бұршақ күтіледі. Жел оңтүстік-шығыстан батысқа ауысып соғады, жылдамдығы 9-14, күндіз облыстың батысында, солтүстігінде, орталығында 15-20, екпіні секундсына 23 метр. Ауа температурасы түнде 15-20, облыстың оңтүстігінде 23 градус жылы, күндіз 29-34 градус жылы, облыстың оңтүстігінде 37 градус қатты ыстық болады. Семей - айнымалы бұлттылық, күннің екінші жартысында жаңбыр, найзағай болады. Жел оңтүстік-шығыстан батысқа ауысып соғады, жылдамдығы 5-10, күндіз екпіні секундсына 15-20 метр. Ауа температурасы түнде 16-18, күндіз 32-34 градус жылы.

Қызылорда облысы - жауын-шашынсыз. Жел солтүстік-батыстан, солтүстіктен секундсына 7-12 метр жылдамдықпен соғады. Ауа температурасы түнде 14-19, күндіз 31-36 градус жылы. Қызылорда - аздап бұлтты, жауын-шашынсыз. Жел солтүстік-батыстан, солтүстіктен секундсына 7-12 метр жылдамдықпен соғады. Ауа температурасы түнде 16-18, күндіз 32-34 градус жылы.

Жамбыл облысы - облыстың солтүстігінде, оңтүстігінде, шығысында, таулы аудандарында қысқа мерзімді жаңбыр, найзағай болады. Жел солтүстік-батыстан соғады, жылдамдығы 9-14, облыстың оңтүстік-батысында, солтүстік-шығысында, таулы аудандарда секундсына 15-20 метр. Ауа температурасы түнде 20-25, таулы аудандарда 15, күндіз 31-36, таулы аудандарда 26 градус жылы. Тараз - айнымалы бұлттылық, қысқа мерзімді жаңбыр, найзағай күтіледі. Жел солтүстік-батыстан секундсына 9-14 метр жылдамдықпен соғады. Ауа температурасы түнде 20-22, күндіз 31-33 градус жылы.