Астанадағы 17 миллиард теңгеге салынған 3 мың орындық стадион қашан ашылады?
Лория Астана қалалық спорт басқармасының басшысы Василий Левитпен бірге жаңа елордалық аренаны қабылдап жатқан видеосын жариялады.
"Аңызға айналған Мұңайтпасов атындағы стадион қайта оралды! Техникалық ашылуына бір апта қалды!", - деді ол.
Айта кетейік, елдегі ең көне ареналардың бірінің орнына салынған жаңа Мұңайтпасов атындағы стадион 2026 жылдың бірінші тоқсанында ашылуы тиіс еді, бірақ пайдалануға беру мерзімі кейінге шегерілді.
Сонымен қатар 1936 жылы салынған стадиондағы 12 мың орынның орнына аренаның сыйымдылығы 3,6 мың орынды құрайды.
Instagram-дағы бұл жарияланымды көру
Давид Лорияның жарияланымы (@david_loriya)
Жаңа Мұңайтпасов атындағы стадион: не белгілі?
Еске сала кетейік, Астанадағы еліміздің ең көне футбол аренасы (1936 жылы салынған) саналған Қажымұқан Мұңайтпасов атындағы стадион 2025 жылдың басында толығымен бөлшектелген болатын.
Енді онда сыйымдылығы едәуір аз жабық футбол алаңы болады.
Бастапқыда жаңа аренаны 2025 жылдың соңына қарай ашу жоспарланған болатын, ал оның сыйымдылығы 4 500 орын болуы тиіс еді, бірақ соңында мерзімі де, сыйымдылығы да өзгертілді.
"Қ. Мұңайтпасов атындағы стадион құрылысы" жобасының құны ҚҚС-пен есептегенде 16,7 миллиард теңгені (ҚҚС-сыз 15,2) құрайды. Құрылыс елге қайтарылған заңсыз шығарылған активтер есебінен жүргізіліп жатыр", - деп хабарлады әкімдік сәуірде Tengri Sport-қа берген ақпаратында.