Сунъий интеллект буму Samsung қийматини 1 триллион долларга етказди
Сунъий интеллект технологияларига бўлган талабнинг кескин ошиши фонида Samsung компанияси акциялари 10 фоиздан кўпроққа қимматлаб, бозор қиймати 1 триллион долларлик маррага етди. Бу муваффақият Samsung'ни TSMC'дан кейин ушбу кўрсаткични қайд этган иккинчи Осиё компаниясига айлантирди. Компания яқинда эълон қилган молиявий ҳисоботида фойдаси ўтган йилнинг шу даврига нисбатан саккиз баробар ошганини маълум қилди. Бу ҳақда Techcrunch.com хабар беради.
Ҳозирги кунда сунъий интеллект тизимларини яратаётган барча йирик корпорациялар юқори самарали хотира чипларига муҳтож. Samsung айнан шу турдаги чипларни ишлаб чиқаришда етакчилардан бири ҳисобланади. Талабнинг таклифдан юқорилиги чиплар нархини ошириб, компания даромадларини рекорд даражага олиб чиқди.
Бозордаги ўсишга Apple билан боғлиқ хабарлар ҳам туртки бўлди. Маълумотларга кўра, Apple ўз қурилмалари учун чипларни АҚШ ҳудудида ишлаб чиқариш бўйича Samsung ва Intel билан музокаралар олиб бормоқда. Агар ушбу келишув амалга ошса, глобал яримўтказгичлар таъминот занжирида катта ўзгариш юз беради.
Samsung'нинг муваффақияти марказида сунъий интеллект тизимлари учун муҳим бўлган ҲБМ (ҳигҳ-бандвидтҳ меморй) чиплари турибди. Бироқ компания рақобатчиси СК Ҳйних билан кескин кураш олиб бормоқда. Шунингдек, ишчиларнинг иш ташлаш эҳтимоли ва компаниянинг бошқа бўлинмаларида хотира чиплари нархининг қимматлашуви Samsung учун келгусидаги қийинчиликлар сифатида қаралмоқда.