Қазақстанда ауа райы күрт өзгереді
"Қазгидромет" синоптиктері 4, 5 және 6 сәуірге арналған ауа райы болжамын ұсынды, деп хабарлайды Tengrinews.kz тілшісі.Қазақстанда нөсер жаңбыр жауады
Болжамға сәйкес, барикалық жүйелердің - циклон мен антициклондардың - алмасуына байланысты Қазақстандағы жайлы ауа райы жаңбырлы күнге ауысады.
"Жаңбыр жауып, кей жерлерде найзағай ойнайды деп болжанды. 4 сәуірде елдің солтүстік-батысында, 5-6 сәуірде батысында, ал 5 сәуірде республиканың оңтүстігінде кей уақытта нөсер жаңбыр күтіледі", - деп хабарлады метеорологтар.
Қазақстан аумағында жел күшейіп, түнгі және таңертеңгі уақытта тұман түседі, күндіз кей өңірлерде бұршақ жауып, дауыл тұруы мүмкін.
Температура көрсеткіштері қандай болмақҚазақстан аумағында күндізгі температуралық фонның шамалы өзгеруі күтіледі:
елдің батысында +15...+25 градустан +10...+20 градус жылыға дейін төмендейді;солтүстікте +11...+20 градустан +15...+20 градус жылыға дейін көтеріледі;шығыста +15...+23 градустан +20...+28 градус жылы аралығында құбылады.
Қазақстанның қалған аумағында айтарлықтай өзгерістер күтілмейді.