Журналист: "Президент Трамп, сизни қандай эслаб қолишларини хоҳлайсиз?"
АҚШ президенти Доналд Трамп журналистлар билан мулоқот чоғида ўз фаолияти ва тарихда қандай из қолдирмоқчи экани ҳақида фикр билдирди.
Журналист унга: “Сизни қандай инсон сифатида эслаб қолишларини истайсиз?” деган савол йўлланди.
Трамп ушбу саволга жавобан ўзини тинчлик йўлида катта ишлар қилган сиёсатчи сифатида кўришини таъкидлади. Унинг сўзларига кўра, у бир неча йиллар давом этган қатор қуролли урушларни бартараф этишга ҳисса қўшган.
“Мен саккизта урушни ҳал қилишга эришдим. Улар узоқ йиллар давом этган ва ҳар йили кўплаб инсонлар қурбон бўладиган урушлар эди. Шунинг учун мен миллионлаб одамларнинг ҳаётини сақлаб қолдим, деб ўйлайман”, — деди у.
Шу билан бирга, Трамп келажакда уни қандай хотирлашлари ҳақида ҳам ўз истагини билдирди:
“Менинг энг катта орзум — мени буюк тинчликпарвар сифатида эслаб қолишлари”, — дея таъкидлади у.