Այն, որ Նիկոլի և Ալիևի հայտարարությունները բացարձակապես նույնական են՝ բոլորն են նկատել. «ՉԻ»

Առաջիկայում ընտրություններին մասնակցելու են ոչ թե իշխանություններն ու ընդդիմադիր ուժերը, այլ փաստացի՝ «Յենի Ազերբայջանն» ու մի քանի հայկական կուսակցություններ։ Ասվածի մեջ չափազանցություն չկա, որովհետև այն, ինչ պահանջում են Ադրբեջանի իշխանությունները (ընդունել, որ Ղարաբաղն Ադրբեջան է, և վերջնականապես փակել այդ հարցը, փոխել Սահմանադրությունը, ընդունել, որ կոնֆլիկտը «հայ արկածախնդիրներն» են հրահրել, Նախիջևանի հետ անխոչընդոտ կապ ապահովել, խոստանալ, որ հետագայում 250-300 հազար ադրբեջանցիներ կվերադառնան իրենց «պատմական հայրենիք», վերանայել պատմությունը, հալածել Եկեղեցին և այլն), գրեթե նույն բառապաշարով և նույն հերթականությամբ քարոզում է ՔՊ-ն։ Ոչ միայն քարոզում է, այլև խոստանում է կատարել։ Սպառնալիքներն էլ են նույնական։ «Յենի Ազերբայջան»․ «եթե այդ պահանջները չկատարեք՝ դրանց կհասնենք նոր պատերազմով»։ ՔՊ․ «եթե այդ քայլերը չկատարենք, կստանանք նոր պատերազմ, և Հայաստանից կմնա մի պուճուր Երևան»։