Արաղչին Գուտերեշին հայտնել է Հորմուզի նեղուցում «թշնամու նավերը» շրջափակելու օրինական իրավունքի մասին
Իրանի ԱԳ նախարար Աբբաս Արաղչին Անտոնիու Գուտերեշի հետ հեռախոսազրույցում հայտարարել է, որ Իրանը «օրինական իրավունք ունի» Հորմուզի նեղուցում սահմանափակել «թշնամու նավերի» տեղաշարժը։ Այս մասին հայտնում է Farsը։
Նրա խոսքով՝ նեղուցում ստեղծված ոչ անվտանգ իրավիճակը ԱՄՆ-ի և Իսրայելի գործողությունների հետևանք է, և Իրանը որպես ափամերձ պետություն կարող է կանխել հակառակորդների հետ կապված նավերի անցումը։
Միաժամանակ նշվում է, որ Իրանը միջոցներ է ձեռնարկել նավագնացության անվտանգությունն ապահովելու համար, մինչդեռ փետրվարի 28-ից սկսված ռազմական գործողություններից հետո նեղուցով երթևեկությունը կտրուկ նվազել է՝ նպաստելով նավթի գների աճին։
Ավելի վաղ Դոնալդ Թրամփը վերջնաժամկետ էր սահմանել նեղուցը բացելու համար, որը հետագայում երկարաձգվել է մինչև ապրիլի 6-ը։
The post Արաղչին Գուտերեշին հայտնել է Հորմուզի նեղուցում «թշնամու նավերը» շրջափակելու օրինական իրավունքի մասին first appeared on MediaLab Newsroom-Laboratory.